Pesoál saúde prepara hela vasina Sinovac. Imajen TATOLI/Francisco Sony

DILI, 01 jullu 2021 (TATOLI)–Governu liuhosi Konsellu Ministru (KM) aprova ona Projetu Dekretu-Lei ne’ebé kria sorteiu ‘Lotaria Vasina Kontra COVID-19’, ne’ebé aprezenta hosi Ministru Administrasaun Estatál (MAE), Miguel Pereira de Carvalho.

“Projetu Dekretu-Lei ne’e hetan ona deliberasaun iha Sorumutuk Konsellu Ministru iha loron 23 juñu 2021, maibé tanba nesesidade atu haree filafali ba detallu implementasaun, obriga atu introdús alterasaun substansiál iha nia testu no obriga hodi delibera filafali iha Konsellu Ministru,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu, kuarta ne’e.

Notísia relevante: Insentiva vasinasaun, Governu kria sorteiu ‘Lotaria Vasina Kontra COVID-19’

Sorteiu ne’e konsiste iha atribuisaun prémiu, ho forma eventuál ba ema singulár sira ne’ebé validamente partisipa iha sorteiu.

Nune’e, kompara ho projetu anteriór, iha deliberasaun ne’e introdús ona alterasaun ba implementasaun sorteiu no ninia regulamentu sei define liuhosi diploma ministeriál konjuntu hosi Ministériu Saúde, Ministériu Turizmu, Komérsiu no Indústria, Ministériu Administrasaun Estatál no Ministériu Finansa.  

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here