Sekretáriu Jerál FFTL, Nélio Isaac Sarmento. Imajen Tatoli/ Egas Cristóvão

DILI, 30 juñu 2021 (TATOLI) – Federasaun Futeból Timor-Leste (FFTL), foin lalais ne’e, aprova ona kalendáriu fiksu ba kopa FFTL ba feto no mane.

Notísia Relevante : FFTL: Sunu bandeira Portugál la’ós étika

“Foin lalais ne’e, ezekutivu FFTL aprova ona kalendáriu fiksu ba kopa FFTL; liga feto no mane, maibé ita sei haree mós situasaun pandemia COVID-19,” Sekretaria Jerál FFTL, Nelio Isaac Sarmento, informa ba Agência Tatoli iha edifísiu FFTL, kuarta ne’e.

 Tuir oráriu, abertura kopa FFTL ne’e halo iha fulan agusto, tinan ne’e, nune’e FFTL mós komunika hela ho tékniku sira iha Sekretaria Estadu Juventude no Desportu (SEJD)  para atu realiza eventu nasionál ne’e.

“Fenómena sira ne’ebé ezekutivu sira aprova ne’e laiha buat seluk ne’ebé prodús foun bazeia ba FIFA sira nia regulamentu ne’ebé hala’o iha pandemia COVID-19,” Nelio Isaac Sarmento hateten.

Regra ne’ebé sei implementa bainhira jogu hahú mak sei hamenus adeptu no adeptu sira atu partisipa jogu tenke iha kartaun vasina no jogadór, ofisiais sira hotu tenke partisipa másimu iha vasina, maibé nafatin kumpre protokolu saúde públiku.

Klube sira tenke prepara an

Nelio Isaac Sarmento,  husu ba klube sira hotu tenke prepara an másimu hodi partisipa iha jogu ne’ebé sei realiza iha agostu mai ne’e.

Mekanizmu no desizaun ba jogu iha hotu ona  no jogu hotu termina ona sei hala’o iha Dili laran.

“Ita hanoin mós jogu sira hotu tenke remata iha tinan ida ne’e. Molok  dezembru jogu sira tenke termina ona, nune’e iha 2022 ita tama epoka foun ho mekanizmu foun,” Nelio hateten.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here