Osan Amerikanu. Imajen/Espesiál

DILI, 28 juñu 2021 (TATOLI)—VIII Governu Konstitusionál sei hahú realiza jornada orsamentál ba tinan 2022, iha tersa (29/06) tuku 08:40, iha Ministériu Finansa (MF), Aitarak-laran.

Bazeia ba ajenda ne’ebé Agência TATOLI asesu iha segunda ne’e, relata katak seremónia ne’e sei realiza durante loron ida, ne’ebé abertura hosi Ministru Finansa, Rui Augusto Gomes no Primeiru-Ministru (PM), Taur Matan Ruak.

Iha sesaun dahuluk sei halo aprezentasaun ida hosi Ministériu Finansa no Unidade Planeamentu, Monitorizasaun no Avaliasaun (UPMA) kona-ba diretiva tuir Planu Estratéjiku Dezenvolvimentu Nasionál (PEDN), planu quinqinal no liña orientasaun VIII Governu Konstitusionál inklui atualizasaun progresu ne’ebé mak atinje ona.

Notísia relevante: UPMA-MF hahú prepara OJE 2022 sei iha redusaun programa

Enkuantu, iha sesaun daruak, iha aprezentasaun hosi Estatístika MF, DNPE-DJPO no UMPA kona-ba avaliasaun impaktu COVID-19 ba sosiu-ekonómiku no problema estruturál sira.

Iha sesaun dahaat sei aprezenta hosi Banku Sentrál Timor-Leste (BCTL, sigla portugés) kona-ba dezenvolvimentu setór finanseiru, fasilita dezenvolvomentu ekonómiku.

Sesaun tuir mak proposta programa prioridade sira inklui senáriu fiskál ne’ebé aprezenta hosi DJPO no UPMA, no ikus liu mak diskusaun no rekomendasaun no defini tetu fiskál ba proposta Orsamentu Jerál Estadu (OJE) 2022.

Tuir kaléndariu preprasaun OJE 2022, loron 29 juñu 2021 hahú semináriu jornada orsamentál, loron 07 jullu iha aprezentasaun planu makro—fiskál no GOP iha Konsellu Ministru, loron 14 jullu aprezentasaun no aprovasaun tetu fiskál dezagregadu no loron 13 agusto submisaun proposta orsamentál liña ministériu sira.

Nune’e, loron 20 agusto analiza proposta orsamentál liña ministériu sira no preparasaun pasta verde ne’ebé prepara hosi Ministériu Finansa, loron 10 setembru apresiasaun finál hosi Komisaun Revizaun Orsamentu Polítika (CROP, sigla portugés), loron 17  setembru reuniaun Konsellu Ministru no aprova Proposta Lei (PPL) OJE 2022, no ikus mai 01 outubru entrega proposta OJE 2022 ba Parlamentu Nasionál (PN).

Loron 30 novembru iha audiénsia entre Governu no Parlamentu Nasionál no fulan-dezembru 2021 debate proposta OJE 2022.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here