Ministru Edukasaun Juventude no Desportu, Armindo Maia. Imajen TATOLI/Egas Cristovão

DILI, 25 juñu 2021 (TATOLI) – Ministériu Edukasaun, Juventude no Desportu (MEJD) sei transforma ka muda estatutu eskola Ensinu Sekundáriu Jerál no Tékniku Vokasionál balun ba eskola referénsia.

Notísia Relevante : MEJD lansa website iha ESJP Suai

Ministru Edukasaun Juventude no Desportu (MEJD), Armindo Maia hateten nia hahú observasaun no identifika daudaun eskola ESJ 12 de novembru no Eskola Tékniku Vokasionál Becora no tuir mai sei ba mós eskola ESJ 4 setembru, Balide inklui eskola lubuk ida tan atu bele sai kandidatu ba eskola referénsia.

“Ita hotu hatene katak kualidade ensinu públiku ema barak kestiona. Tan ne’e ita hahú identifika daudaun eskola balun hosi Munisípiu Bobonaro,  Covalima inklui Dili hodi identifika eskola ne’ebé atu sai kandidatu ba eskola referénsia,” Ministru Armindo Maia hateten ba jornalista sira iha Eskola Tékniku Vokasionál Becora, Dili, sesta ne’e.

Nia dehan eskola balun iha ona kondisaun no balun seidauk. Tanba ne’e,  presiza investe maka’as, liuliu intermus  rekursu umanu ho  infraestrutura, inklui fasilidade.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here