Round of sixteen

DILI, 25 juñu 2021 (TATOLI)—Polísia Nasionál Timor-Leste (PNTL), liu hosi komandante munisípiu Dili, Superintendente Xefe, Henrique da Costa, husu ba adeptu futeból-sira atu respeita bandeira hosi kualkér nasaun, ne’ebé hola parte iha jogu tasa Euro 2020.

Superintendente Xefe, Henrique da Costa dehan, PNTL sei detein adeptu-sira ne’ebé lori hosi bandeira nasaun Portugál hodi halo konvoi.

Notísia relevante:PNTL halo apreensaun ba motór adeptu futeból 149

Deklarasaun ne’e tanba durante ne’e PNTL observa katak, adeptu-sira lori Bandeira nasaun balun hodi halo kovoi no halo monu hafoin sama ho motór, konsidera nu’udár atetude ne’ebé la respeita símbolu hosi nasaun seluk.

“Ami husu adeptu-sira atu respeita nafatin bandeira nasionál nasaun seluk-nian, tanba ita lori ema nia bindeira tara iha motór, balun sama tan ba rai. Ne’e ita la respeita símbolu sagradu nasaun seluk-nian,” Henrique da Costa hateten ba jornalista-sira iha Komandu PNTL Caicoli, sesta ne’e.

Apelu ne’e PNTL fó-sai tanba hakarak eduka adeptu-sira hodi respeita ema seluk ninia síbolu estadu, nune’e ema seluk mós bele respeita símbolu estadu Timor-Leste nian.

Tuir planu, PNTL sei kontinua halo pasa revista ba adeptu futeból-sira iha sidade Dili, durante jogu tasa Euro 2020.

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here