Ekipa saúde Munisípiu Ermera evakua pasiente pozitivu COVID-19 iha Ermera. Imajen/Dok.Espesiál

DILI, 24 juñu 2021 (TATOLI)-Diretór Sentru Saúde Munisípiu Ermera, António de Deus Fátima informa, abitante 6.451 iha Munisípiu Ermera simu ona vasina AstraZeneca.

Notísia Relevante : PAM Ermera husu Governu kria polítika kombate hoax

“Ami halo lansamentu ba vasina AstraZeneca hahú iha loron 14 – 23 juñu 2021, ami-nia komunidade ne’ebé simu vasina AstraZeneca ne’e hamutuk 6.451 ida ne’e inklui mós ba ekipa liña frente no dadus ne’ebé ami rekolla hosi terrenu komunidade sai alvu atu simu uluk hamutuk 13.644, entaun daudaun seidauk simu ne’e 7.193,” António de Deus Fátima informa ba Agência Tatoli liuhosi telefónika, kinta ne’e.

Munisípiu Ermera ema ne’ebé simu vasina AstraZeneca númeru sei menus tanba dezafiu boot ne’ebé sira enfrenta mak komunidade maioria ta’uk simu vasina refere tanba de’it liafuan falsu ka hoax ne’ebé kontinua espalla iha mídia sosiál, hateten ema ne’ebé simu vasina sei mate sedu.

Nia informa, vasina AstraZeneca ne’ebé haruka ba Munisípiu Ermera hodi distribui ba Postu Administrativu sira iha Ermera laran ne’e hamutuk 872 vial no 8.720 doze.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here