Prezidente Autoridade Munisipiu Ermera, José Martinho dos Santos Soares. Imajen Tatoli/Dok

DILI, 09 juñu 2021 (TATOLI)-Prezidente Autoridade Munisípiu Ermera, José Maritinho dos Santos, husu Governu atu kria polítika ida  kombate hoax ne’ebé kontinua mosu iha mídia sosiál dehan ema simu vasina AstraZeneca sei mate sedu.

Notísia Relevante : Ema na’in 19 pozitivu COVID-19 iha Ermera

“Ita-nia Governu hasai tiha ona despaixu ida dehan ema hotu-hotu atu simu vasina no to’o dezembru populasaun ne’ebé simu vasina tenke atinje 80%, entaun atu atinje ida ne’e Governu ka Ministériu Saúde  tenke  kria polítika ka foti inisiativa ne’ebé klaru liután fó informasaun ba komunidade kona-ba vasina AstraZeneca ka vasina seluk ne’ebé mai tán, tanba daudaun ne’e komunidade barak hakarak simu vasina AstraZeneca maibé ta’uk tanba haree informasaun hoax ne’ebé kontinua mosu,” José Martinho dos Santos, ba Agência Tatoli liuhosi telefónika, kuarta ne’e.

Nia hatutan, Ministériu Saúde tenke foti inisiativa fó informasaun ida ne’ebé kredivel liután ba komunidade atu labele fiar ba hoax tanba agora polítika ne’ebé ekipa task force kria iha Munisípiu loro-loron tama sai bairru iha Ermera laran sosializa informasaun vantajen hosi vasina AstraZeneca, maibé haree komunidade atu la fiar tanba informasaun hoax ne’ebé kontinua espalla iha media sosiál Facebook.

“Ita esforsu nafatin sosializa informasaun no agora vasina ba etapa daruak nian mai ona, maibé komunidade barak mak kontinua ta’uk atu simu vasina refere tanba de’it informasaun hoax sira-ne’e,” nia hateten.

Nia husu mós ba Ministériu Saúde tenke halo polítiku ida katak antes komunidade simu vasina halo check-up uluk ba komunidade-nia saúde liuliu ba idózus sira, pesoál saúde sira labele koko liu de’it mak tensaun, tanba komunidade hela iha área rurál ne’e barak mak la hatene sira-nia-an moras iha ka la’e.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here