Estudante UNTL forma hela hodi simu vasina Sinovac iha kampus UNTL, segunda (14/06/21), Imajen Tatoli/António Gonçalves.

DILI, 23 juñu 2021 (TATOLI)—Estudante ho profesór hamutuk rihun 30 mak simu ona vasina COVID-19 ho tipu Sinovac, doze dahuluk.

“Estrutura ensinu superiór no mós estudante hosi UNTL, UNPAZ, DIT simu ona Sinovac. Sira antuziasmu tebes,” Diretór Saúde na Familia (SnF), Vitór Soares Martins, hateten ba jornalista-sira banhira lansa vasina Sinovac iha Institutu Superiór Cristal, kuarta ne’e.

Notísia relevante:Governu lansa vasina Sinovac ba postu ualu

Estudante ensinu superiór Cristal ne’ebé atu simu vasina Sinovac hahú ohin hamutuk 1.000-resin to’o 30 juñu no bainhira estudante hosi eskola seluk hakarak vasina, bele mai iha Cristal.

Komisaun Interministeriál ba Implemenetsaun Planu vasina kontra COVID-19, lansa doze dahuluk ba vasina Sinovac iha 14 juñu, iha Universidade Nasionál Timor Lorosa’e (UNTL).

Jornalista: Felicidade Ximenes

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here