Kondisaun estrada Suku Loi Ulu, Postu Administrativu Uatucarbau, Munisípiu Viqueque. Imajen Tatoli/Vitorino Lopes da Costa

VIQUEQUE, 22 juñu 2021 (TATOLI)- Komunidade Suku Loi Ulu, Postu Administrativu Uatucarbau, Munisípiu Viqueque, husu ba Governu atu bele harii uma sentru saúde permanente ida iha Suku Loi Ulu.

Notísia Relevante : Estrada rurál iha Afaloicai ho Lui Ulu inauguradu

“Iha ne’e uma ospitál laiha, transporte laiha no kondisaun ba ami mós ladún di’ak. Oinsá mak ami bele serbisu efetivu hodi fó tratamentu médiku ba ita-nia komunidade bainhira uma sentru saúde seidauk iha. Tanba ne’e, ami halo tratamentu semana ida dala tolu ba komunidade,” Miguel Mota, pesoál saúde destakadu iha Suku Lui Ulu,  haktuir ba Agância Tatoli iha  Loi Ulu, tersa (22/06).

Miguel Mota hateten, dalan hosi Postu Uatucarbau liga mai Suku Loi Ulu ho kondisaun ne’ebé grave tebes, tan ne’e médiku sira fó asisténsia kada semana ida dala tolu no iha suku Loi Ulu médiku na’in-ida (1) no parteira na’in-ida (1).

Nia relata, iha sentru saúde suku Loi Ulu númeru moras ne’ebé as mak Inspirasaun Respiratóriu Agudo (IRA) ne’ebé hahú inísiu janeiru to’o mai maiu 2021, rejista númeru pasiente  hamutuk 100-resin.

Jornalista       : Vitorino Lopes da Costa
Editór             : Francisco Simões

HAKEREK NO HATÁN

Please enter your comment!
Please enter your name here