iklan

NASIONÁL, HEADLINE, LEI, POLÍTIKA

Proposta alterasaun ba lei pensaun vitalísia suspende maibé prosesu la’o hela

Proposta alterasaun ba lei pensaun vitalísia suspende maibé prosesu la’o hela

Prezidente Parlamentu Nasionál, Aniceto Longuinhos Guterres Lopez.

DILI, 21 juñu 2021 (TATOLI)—Prezidente Parlamentu Nasionál (PPN), Aniceto Longuinhos Guterres Lopes, hateten agora daudaun proposta alterasaun ba lei pensaun vitalísia ne’e Komisaun A ne’ebé trata asuntu Justisa no Konstitusionál sei suspende hela maibé prosesu ne’e la’o hela.

Notísia Relevante: Komisaun A suspende proposta-alterasaun ba lei pensaun vitalísia

“Lei hotu-hotu tenke iha prioridade. Agora ami fó prioridade ba pakote lei eleitorál tolu. Parlamentu Nasionál liuhosi líder bankada sira hotu hamutuk ho meja PN mak define prioridade sira-ne’e. Prioridade ne’ebé tuir kontestu prioridade Estadu nian, inisiativa hotu-hotu hanesan,” Prezidente Parlamentu Nasionál ne’e hateten ba jornalista sira hafoin ramata enkontru ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairru Pite, Dili, segunda.

Labele hanoin hanoin Parlamentu Nasionál mak laiha inisiativa atu inísia lei ne’e maibé inisiativa sira-ne’e no prosesu hotu-hotu la’o hela.

Antes ne’e, Prezidente Parlamentu Nasionál ne’e hateten, antes Parlamentu Nasionál resesu iha 15 jullu no termina iha 13 setembru, Parlamentu Nasionál fó prioridade ba lei kona-ba pakote reforma judisiáriu ho pakote lei eleitorál tolu (3) tanba eleisaun Prezidensiál besik ona.

Pakote lei eleitorál ne’ebé Parlamentu Nasionál fó prioridade antes tama resesu ne’e mak Proposta-lei alterasaun tolu (3) ne’ebé kompostu hosi alterasaun datoluk ba Lei númeru 5/2006, 28 dezembru kona-ba Órgaun Administrasaun Eleitorál, alterasaun dahuluk ba Lei númeru 6/2016, 25 maiu kona-ba Lei Resensiamentu Eleitorál no proposta-lei alterasaun daneen ba Lei 7/2006, 28 dezembru, kona-ba Lei Eleitorál ba Prezidente Repúblika.

Notísia Relevante: Antes resesu, PN fó prioridade ba pakote lei eleitorál

Jornalista: Osória Marques

Editór: Cancio Ximenes

iklan
iklan

Leave a Reply

iklan
error: Content is protected !!