Koordenadór Gabineti Apoíu Sosiedade Sivíl, Filipe da Costa. Imajen Tatoli/Francisco Sony

DILI, 18 juñu 2021 (TATOLI)-Gabinete Apoiu Sosiedade Sivíl (GASC, sigla portugés) apoiu fundu $400.000 ba Organizasaun Naun Governamentál Timor-Leste (FONGTIL) hodi hala’o atividade sosiedade sivíl nian.

Notísia Relevante : Sosiedade sivíl ho BTL no EDTL buka solusaun ba impaktu COVID-19

“Ha’u mai partisipa hotu iha diálogu Sosiedade Sivíl no Governu ne’e, tanba atividade ida ne’e finansia hosi GASC entaun liuhosi fundu $400.000 ida-ne’e ita apoiu ba FONGTIL atu nia bele fasilita diálogu entre sosiedade sivíl ho Governu,” Koordenadór GASC, Filipe da Costa, hateten ba jornalista-sira iha salaun Comição Nasional de Eleições (CNE), Caicoli, Dili, sesta ne’e.

GASC kontente fó apoiu fundu ba FONGTIL tanba ho apoiu ida-ne’e FONGTIL hetan informasaun  iha komunidade nia leet bele informa ba Governu.

Nia afirma, apoiu ne’ebé GASC fó apoiu ba sosiedade sivíl iha Timor laran tomak ne’e tanba kompromisu Estadu no Governu. Tanba ne’e, fundu ida-ne’e kada tinan hetan apresiasaun di’ak hosi sosiedade sivíl no deputadu-sira iha Parlamentu Nasionál fó apoiu kapás loos ba fundu ida ne’e.

FONGTIL mós presiza halo diskusaun ho Parlamentu Nasionál, nune’e prioridade sira ne’ebé sosiedade sivíl sira hatama bele hetan alokasaun fundu tanba rekomendasaun sira iha valór bainhira ezekuta.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here