Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 17 juñu 2021 (TATOLI) – Ministru Ensinu Superiór, Siénsia no Kultura (MESSK), Longuinhos dos Santos, informa, MESSK sei prosesa tan subsídiu propina no pulsa internet faze daruak nian. Tanba ne’e, husu ba estudante ne’ebé  naran seidauk tama bele konfirma ho universidade hodi submete fali dadus foun ba ministériu.

Notísia Relevante : MESSK sei haruka dadus estudante 63,523 ba MF

“Ha’u husu ba estudante hosi Instituisaun Ensinu Superiór Públiku no Privadu (IESPP) ne’ebé naran sidauk tama iha lista ba pagamentu injesaun propina no subsídiu pulsa internet bele konfirma ho kada universidade atu enkamiña fali dadus foun mai ministériu,” Ministru Longuinhos dos Santos, informa ba jornalista iha Ministériu Finansas, foin lalais ne’e.

Nia esplika katak, administrativamente  lista primeiru nian ministériu aprezenta ona bá Ministériu Finansas hodi prosesa atu hetan pagamentu ho fundus COVID-19 nian. Tan ne’e, estudante ne’ebé mak sente naran seidauk tama iha lista dahuluk ne’e bele halo konfirmasaun filafali ho kada IESPP atu submete dadus foun mai ministériu hodi halo prosesu administrativa iha segundu faze.

Jornalista : Tomé Amado

Editór        : Francisco Simões  

1 KOMENTÁRIU

HAKEREK NO HATÁN

Please enter your comment!
Please enter your name here