Sekretáriu Estadu Terras no Propriedades (SETP), Mário Ximenes. Imajen Tatoli/ António Goncalves.

DILI, 15 juñu 2021 (TATOLI)—Hahú hosi janeiru to’o maiu tinan ne’e, Sekretária Estadu Terras no Propriedade (SETP), rekolla reseita ba kofre Estadu hamutuk $1.299.016,30.

“Reseita ne’e ita rekolla mai hosi arrendamentu rai Estadu iha territóriu,” Sekretáriu Estadu SETP, Mário Ximenes, hateten ba jornalista Agéncia Tatoli via telefónika, tersa ne’e.

Notísia relevante:SETP rekolla millaun $4,2 durante tinan-ida hosi arrendamentu rai Estadu

Ho implementasaun serka sanitária no konfinamentu domisiliáriu ba prevensaun COVID-19, difikulta arendatáriu-sira selu tarde, liu-liu kompañia-sira, tanba laiha rendimentu.

“Hosi númeru arrendatáriu ne’ebé iha, kompañia barak mak seidauk selu, maibé sira hato’o katak, ho situasaun COVID-19  rendimentu laiha,’’ nia hateten.

Oras-ne’e daudaun SETP rejista sidadaun 4000-resin mak utiliza proprietáriu Estadu ba patrimóniu móveis no imóveis, hanesan edifisiu no rai atu hala’o negósiu ne’ebé selu arrendamentu kada fulan ba Estadu.

Kona-bá presu, selu tuir klasifikasaun no poténsia rai hodi hela ka hala’o negósiu, ne’ebé la hanesan hosi ema indivídu, asosiasaun no kompañia.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here