Logotipu KRAM

DILI, 15 juñu 2021 (TATOLI) – Grupu arte marsiál (GAM) tolu, hanesan Persaudaraan Setia Hati Terate (PSHT), Kmanek Oan Rai-Klaran (KORK) ho Ikatan Keluarga Silat Putra Timor-Leste (IKSP-TL) submete ona dokumentu ba Komisaun Reguladóra Arte Marsiál (KRAM) atu hetan lejitimidade.

Notísia Relevante : KRAM Sosializa Regra Arte Marsiál Ba PSHT, IKS ho KORK

Dokumentu sira ne’ebé ne’e, hanesan estatutu no regulamentu internu GAM nian hodi kumpre ba rekizitu KRAM nian atu hetan legalizasaun ba atividade.

“Dezde tinan kotuk arte marsiál tolu ne’e submete ona sira nia dokumentu estatutu, rejimentu internu tuir rekizitu ne’ebé mak KRAM publika. Provizoriamente dokumentu kompletu hotu ona, kona-bá rekizitu atu ba rejistu iha Notariadu ne’e, maka PSHT, KORK no IKS,”  prezidente KRAM, Octavianus da Conçeição Pereira, informa ba Agência Tatoli, iha edifísiu Sekretaria Estadu Juventude no Desportu (SEJD), Dili, tersa ne’e.

KRAM hala’o ona reuniaun ordináriu ida ho reprezentante hosi liña ministériu no Federasaun Silat Timor – Leste (FESTIL) deside ona, iha fulan oin ka tina ne’e bele hasai ona paresér favoravel ida ba Sekretáriu Estadu Juventude no Desportu (SEJD)  bazeia ba lei No.5/2017 artigu 9 númeru 1 aliña B ko’alia kona-ba kompeténsia propria KRAM nian atu fó autorizasaun ba arte marsiál sira hodi pratika ho livre.

“Ami hasai ona paresér favoravel ida ba SEJD oinsá mak bele rekomenda ba Ministériu Justisa Diresaun Notariadu atu hare prosesu ne’e,” nia informa.

Haree ba arte marsiál tolu ne’e hamahan-an iha FESTIL mak KRAM seidauk foti desizaun ikus tanba FESTIL seidauk realiza asembleia jerál.

“FESTIL nu’udar organizasaun ida ne’ebé hamahan arte marsiál sira seidauk halo nia kongresu tanba pandemia COVID-19 mak ami seidauk foti desizaun ikus. Entaun FESTIL sira tenke realiza asembleia jerál ida atu iha lejitimidade no legalidade ba organizasaun sira hotu nu’udar membru ba FESTIL,” nia relata.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here