PFMO realiza formasaun kona-ba Lei MPKK. Imajen/PFMO

DILI, 14 juñu 2021 (TATOLI)—Public Financial Management and Oversight (PFMO) ‘osan povu nian, jere ho di’ak’, kontinua realiza formasaun online sinkrona ‘Risku iha Auditoria Públika’ ba auditór Kámara Konta, hosi Tribunál Rekursu (TR), hahú hosi  14 to’o 18 juñu tinan ne’e.

Projetu PFMO komponente 2 iha ko-finansiamentu hosi Uniaun Europeia (UE), no ko-finansiamentu ho jestaun hosi Camões I.P. seitór prinsipál ba projetu ne’e, hatama ba boa governasaun.

Notísia relevante:PFMO realiza formasaun ba auditór Kámara Konta

“Objetivu hosi intervensaun ida-ne’e atu kontribui ba dezenvolvimentu sustentável Timor-Leste nian, liuhosi jestaun no supervizaun ba finansa públika, ne’ebé transparente liu no orientadu ba sidadaun,” Komunikadu ne’ebé Agéncia Tatoli asesu, segunda ne’e haktuir.

Formasaun primeira edisaun ida-ne’e destinadu ba auditor-sira hosi Kámara Konta ho objetivu-sira atu identifika risku-sira hosi faze diferente hosi auditoria, insentiva análiza no diskusaun hosi risku-sira iha Kámara Konta, iha ámbitu atribuisaun ba kontrolu no supervizaun hosi finansa públika no fahe koñesimentu no esperiénsia-sira iha ámbitu risku iha auditoria.

Formasaun ida-ne’e sei hala’o liuhosi plataforma zoom no disponibiliza ba grupu formandu na’in 15, ho totál oras 10.

Iha periúdu loron 21 to’o 25 juñu tinan ne’e, sei hala’o formasaun hanesan, iha segunda edisaun ba auditor-sira seluk hosi Kámara Konta, ho totál formandu na’in 15.

Antes ne’e PFMO ‘osan povu nian, jere ho di’ak’, realiza ona formasaun online sinkrona  ‘Setór Emprezariál hosi Estadu’ ba auditór Kámara Konta hosi Tribunál Rekursu (TR), iha 24 to’o 28 maiu tinan ne’e, ba grupu formandu na’in 15, ho totál oras 10.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here