Ambiente fa’an sasán iha Merkadu Same, Manufahi. Imajen Tatoli/Nelia Fernandes

DILI, 14 juñu 2021 (TATOLI)-Ekipa liña frente iha Munisípiu Manufahi hamutuk na’in-500  simu kompletu ona vasina AstraZeneca. Nune’e, ohin ba oin, sira sei halo vasina doze daruak ba abitante-sira ne’ebé horik iha area jurizdisaun Munisípiu Manufahi.

Notísia Relevante : Kombate COVID-19, Manufahi estabelese ekipa task force

Administradór Munisípiu Manufahi, Arantes Isaac Sarmento. Imajen Tatoli/Dok

“Kona-bá Vasina AstraZeneca doze daruak nian, Governu sentrál haruka mai Munisípiu Manufahi iha sesta (11/06). Iha loron tuir mai, ami hahú lansa ba ekipa liña frente no segunda ne’e hahú distribui ba kada Sentru Saúde, Postu Administrativu-sira atu fó vasina mós ba ita-nia komunidade ne’ebé idade tinan 60 ba leten,” Administradór Munisípiu Manufahi, Arantes Isaac Sarmento, informa ba Agência Tatoli, liuhosi telefónika.

Vasina AstraZeneca ne’ebé daudaun haruka ba Munisípiu Manufahi,  Arantes Isaac Sarmento hateten, komunidade prontu hotu ona atu simu vasina refere, maibé dala-ruma vasina mak la to’o fali ba komunidade.

“Ha’u atu hateten katak komunidade Manufahi hotu-hotu prontu ona atu simu vasina AstraZeneca, maibé ita haree vasina ne’ebé haruka mai ne’e estoke uitoan. Ida-ne’e,  preokupasaun mai ami hodi hato’o ba Governu atu haruka kuantidade AstraZeneca,”  Arantes Isaac Sarmento hateten.

Nia reafirma, komunidade Manufahi agora hotu-hotu koopera atu simu vasina refere tanba polítika ne’ebé ekipa task force COVID-19 halo mak kada loron halo sensibilizasaun vasina AstraZeneca nian ba komunidade no juventude Manufahi ne’ebé kria grupu ho naran Asiste Copa Euro Hamutuk (ACEH) ajuda Governu sensibiliza mós informasaun vasina AstraZeneca ba komunidade atu labele dúvida bainhira simu vasina AstraZeneca.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here