Diretóra Jéral Asuntu ASEAN, Ministériu Negósius Estranjeirus no Kooperasaun (MNEK), Milena Rangel. Imajen Tatoli/Egas Cristovao

DILI, 14 juñu 2021 (TATOLI)–Diretora Jerál Asuntu ASEAN,  Ministériu Negósiu Estranjeiru no Kooperasaun (MNEK), Milena Rangel, hateten  maski mundu enfrenta hela pandemia global COVID-19, maibé  Governu Timor-Leste kontinua esforsu Timor-Leste nia polítika adezaun ba ASEAN.

Notísia Relevante : Adezaun TL ba ASEAN kestaun tempu

“Servisu ita kontinua hala’o, ita mak informa ona ba sira kona-bá ita nia situasaun. Ita espera katak iha tinan ikus ne’e sira hosi sekretariadu mai direita hodi haree kona-bá pilár rua sósiu kulturál no ekonomia nian di’ak liu tan,” Milena Rangel, hateten ba Agência Tatoli iha edifísiu MNEK, Dili, segunda ne’e.

Nia dehan, kada loron sira nia parte hala’o servisu maka’as hodi komunika beibeik ho sekretariadu ASEAN nian liu-hosi virtual meeting, WhatsApp  no seluk ta.

Iha parte seluk haree ba problema ne’ebé agora daudauk Myanmar enfrenta sai mós difikuldade boot ida ba nasaun membru sira hodi fó atensaun.

“Ita hotu akompaña agora daudaun iha rejiaun Myanmar nian halo nasaun membru hotu tau atensaun ba iha ne’ebá, entaun iha tinan ikus ne’e, sira bele adia vizita sira nian no muda fali ba tinan oin. Karik la mai iha tinan ne’e, laiha buat ida, haree ba surtu COVID-19 no problema Myanmar nian,” nia hateten.

Maski nune’e servisu Timor-Leste nian kontinua la’o tanba iha mós diplomata ida iha Jakarta Indonézia hodi hala’o servisu.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here