Ministra Negósiu Estranjeiru no Kooperasaun, Adaljiza Albertina Xavier Magno. Imajen TATOLI/Antonio Goncalves

DILI, 10 juñu 2021 (TATOLI) – Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hateten timor-oan iha estranjeiru (diaspora) hetan toleránsia bainhira sira-nia vistu inválidu.

Notísia Relevante : Search TL TL ho Portugál asina MoU ba hametin liután kooperasaun

“Kona-bá timor-oan sira iha rai-li’ur nia dokumentu inválidu, ami hakerek ona nota ida ba nasaun hotu para atu hatete katak ami rekoñese timor-oan sira ne’ebé iha ne’ebá nia dokumentu inválidu to’o tinan ida ho balu tan,” Ministra Adaljiza Magno hateten ba  Agência Tatoli iha edifísiu MNEK, Dili, kinta ne’e.

Nia dehan, desizaun ne’e Governu foti hodi salva timor-oan iha li’ur, hanesan mós Governu Timor-Leste salva sidadaun estranjeiru-sira ne’ebé antes ne’e hela iha Timor-Teste maski dokumentu invalidu ona.

“Ami haruka ona nota sira ne’e ba. Sira la dehan buat ida no sira mós respeita ita nia desizaun, nune’e ita nia maluk sira iha li’ur bele aguenta tan to tinan ida resin,” nia dehan.

Nasaun ne’ebé MNEK hakerek karta ba mak nasaun hirak ne’ebé Timor-Leste nia embaxada iha no nasaun hirak ne’ebé timor-oan sira hela ba.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here