PPN Aniceto Longuinhos Guteres Lopez. Imajen TATOLI /Egas Cristóvão

DILI, 10 juñu 2021 (TATOLI)-Prezidente Parlamentu Nasionál (PPN), Aniceto Longuinhos Guterres Lopes, husu ba deputadu ho deputada-sira hotu ne’ebé seidauk simu vasina AstraZeneca atu obrigatóriu simu vasina ne’e.

Notísia Relevante : PPN agradese igreja-nia kolaborasaun iha alterasaun Lei Migrasaun-Azilu

Nia hatutan,  deputada no deputada iha obrigasaun simu vasina AstraZeneca tanba hanesan polítiku maske laiha lei ruma ne’ebé halo obrigatóriu, maibé nu’udar reprezentante povu no ukun nain ida tenke asume responsabilidade simu vasina AstraZeneca hodi motiva povu atu  povu mós simu hotu.

“Ha’u husu ba deputadu no deputada-sira ne’ebé nu’udár ukun-na’in ka reprezentante povu, ne’ebé seidauk simu vasina AstraZeneca tenke simu tanba agora vasina AstraZeneca doze daruak nian mai ona, hotu-hotu bele simu hodi kombate COVID-19,” Aniceto Longuinhos Guterres Lopes, hateten ba jornalista-sira hafoin hasoru malu Arsebispu Arkidioseze Metropolitana Dili, Mgr. Virgílio do Carmo da Silva, SDB, iha Cámara Eclesiástica, Lecidere, Dili, kinta ne’e.

Nia hatutan, bainhira deputadu ka deputada ne’ebé simu vasina la’ós de’it motiva povu ka komunidade, maibé vantajen ne’e ba-aan rasik.

“Ha’u sujere no hateten tiha ona ba deputadu hotu-hotu tenke vasina AstraZeneca, ba funsionáriu Parlamentu Nasionál ha’u hasai ona despaixu obrigatóriu simu vasina, tanba ita-nia mundu atu kombate totál ne’e laiha, ita kontrola de’it entaun atu kontra ne’e liuhosi prepara imunidade sidadaun ida-idak ninia,” Aniceto Guterres afirma.

Prezidente Parlamentu Nasionál ne’e hateten, programa vasina ne’e  atu ajuda sidadaun hotu-hotu atu kontrola COVID-19 tanba moras refere sei la lakon totál, la’ós iha Timor-Leste de’it, maibé iha mundu.

Jornalista       : Arminda Fonseca

Editór             : Francisco Simões

 

HAKEREK NO HATÁN

Please enter your comment!
Please enter your name here