Ministru Ensinu Superiór, Siénsia no Kultura, Longuinhos dos Santos, simu vasina AstraZeneca Imajen Média MESSK/Dok.

DILI, 10 juñu 2021 (TATOLI)-Ministru Ensinu Superiór, Siénsia no Kultura (MESSK), Longuinhos dos Santos, kinta ne’e, kompleta ona vasina AstraZeneca. Nune’e, nia deklara kontente tebes bele livre ona hosi sirkulasaun iha territóriu nasionál.

Notísia Relevante : Ema 93.525 simu ona vasina AstraZeneca doze dahuluk

“Ha’u hetan ona vasinasaun doze daruak, ha’u bele kategoria livre ona sirkulasaun, mezmu tenke kumpre nafatin regra protokolu saúde ba prevensaun COVID-19,”  Ministru Longuinhos dos Santos, informa ba jornalista-sira hafoin simu tiha vasina doze daruak iha Sentru Konvensaun Dili (CCD).

Longuinhos esplika alternativa ikus liu atu prevene an hosi propagasaun COVID-19  maka tenke simu tan vasinasaun  doze daruak no nia fiar katak vasinasaun AstraZeneca doze daruak sei tulun populasaun hotu iha nasaun ne’e atu aumenta imunidade luta hasoru COVID-19.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here