Prezidente Komisaun Kontabilidade hosi Programa Nasionál Dezenvolvimentu Suku (PKA-PNDS), Suku Uaitame, Postu Administrativu Uatulari, Munisípiu Viqueque, Salvadór Fernandes. Imajen Tatoli/Vitorino Lopes da Costa

VIQUEQUE, 09 juñu 2021 (TATOLI)-Prezidente  Komisaun Kontabilidade hosi Programa Nasionál Dezenvolvimentu Suku (PKA-PNDS), Suku Uaitame, Postu Administrativu Uatulari, Munisípiu Viqueque, Salvadór Fernandes, informa  komunidade Uaitame sente benefisia ho atividade servisu PNDS nian.

Notísia Relevante : Cesta bázika iha Uaitame konklui ho benefisiáriu 4.012

“Programa PNDS ne’e ami sente entuziazmu tebe-tebes tanba ha’u mós envolve hotu iha PNDS no ha’u nia observasaun durante ne’e kona-bá dezenvolvimentu iha suku servisu kualidade no relatóriu ne’ebé justu povu hotu nian hakarak,”  PKA-PNDS, Salvadór Fernandes, informa Agência Tatoli iha Viqueque, kuarta ne’e.

Salvadór hatutan, aban-bai-rua programa PNDS kontinua implementa iha suku sei  benefisia povu no povu rasik mak sei sente ninian di’ak  tanba servisu ho kualidade no implementasaun mós povu envolve direta.

Atividade servisu PNDS nian agora implementa (on going) iha Suku Uaitame mak, hanesan  dada bee-moos ba aldeia Foho Manu no Uma ki’ik ne’ebé atinje ona 90% no iha Aldeia Uma Ki’ik halo perfurasaun bee-moos atinje 75 % no tuir loos iha jullu mai tenke finaliza ona, maibe atraza uitoan tanba pandemia COVID-19.

PNDS mós sei halo tan uma ba kbiit-laek ba Aldeia Sana ho benefisiáriu  dahuluk mak hanesan Hermino Lopes, Ernesti Lopes no Mario Solteiro.

Jornalista : Vitorino Lopes da Costa

Editór      : Francisco Simões

HAKEREK NO HATÁN

Please enter your comment!
Please enter your name here