Diretór Eskola Ensinu Báziku Sentrál  (EBC, sigla portugés), Hera, João Reis da Cruz. Imajen Tatoli/Tomé Amado

DILI, 08 juñu 2021 (TATOLI) – Diretór Eskola Ensinu Báziku Sentrál  (EBC, sigla portugés), Hera, João Reis da Cruz, informa estudante hamutuk 841 iha eskola refere to’o agora seidauk hetan kaderneta eskolár. Ho nune’e, difikulta profesór-sira atu halo rekapitulasaun ba estudante sira-nia notas.

Notísia Relevante : MEJD distribui materiál limpeza ba eskola lima

“Ami ko’alia loloos de’it, distribuisaun kaderneta eskolár ba eskola sira-ne’e la balansu, eskola balun hetan ona, balun seidauk. Ami ezije ba ministériu atu lalais halo distribuisaun tanba profesór-sira presiza halo rekapitulasaun,” João  Reis da Cruz  haktuir bá  Agência Tatoli iha edifísiu MEJD Vila Verde, Dili, tersa ne’e.

Diretór eskola ne’e afirma la satisfás tanba prosesu distribuisaun kleur ona, maibé to’o ohin loron  alunu ida mós seidauk iha kaderneta eskolár. Karik iha distribuisaun segunda faze bele lalais haruka ona sira nian atu profesór-sira bele prepara ona rekapitulasaun alunu nian.

João akresenta, kaderneta eskolár nu’udar meius ida atu ajuda inan-aman sira bele akompaña progresu oan sira nia iha eskola no inan-aman sira bele haree kapasidade oan sira-nian.

Jornalista : Tomé Amado

Editór     : Francisco Simões

HAKEREK NO HATÁN

Please enter your comment!
Please enter your name here