Lalenok United FC sai kampiaun iha Jogu Finál Tasa 12 Novembru 2020. Imajen Tatoli/Antánio Gonçalves

DILI, 04 juñu 2021 (TATOLI) – Klube hosi Cambodia  Visakha FC lakohi  sai uma-nain ba jogu da-uluk entre Visakha FC kontra Lalenok United FC iha jogu AFC Cup 2021 ne’ebé tuir oráriu sei realiza 20 juñu mai ne’e.

Notísia Relevante : Lalenok United FC reprezenta TL iha Kopa AFC 2021

Sekretáriu Jerál Federasaun Futeból Timor –Leste (FFTL), Nelio Isaac Sarmento. Imajen/Egas Cristovão.

“Jogu ba ekipa rua ne’e loloos halo iha 20 juñu mai ne’e no Cambodia nia klube mak sei sai hanesan uma-nain, maibé tanba sira-nia nasaun agora implementa hela serka sanitaria,” Sekretáriu Jerál Federasaun Futeból Timor –Leste (FFTL), Nelio Isaac Sarmento, informa ba Agência Tatoli  iha sede FFTL, Dili, sesta ne’e.

Nia dehan, foin lalais ne’e mak Cambodia husu ba AFC atu lakohi sai uma-nain. “Karta ami simu ona, ne’e mak agora AFC husu mai ita Timor – Leste bele ka lae sai uma-nain. Maibé ita nian mós serka sanitária, ami mós manda ona karta ba AFC hodi haree kampu iha nasaun seluk ne’ebé livre bele hala’o jogu iha ne’ebá, maibé ita hein hela resposta hosi AFC nian oinsá to’o agora AFC seidauk responde,” Nelio Isaac Sarmento informa.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here