Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 04 juñu 2021 (TATOLI) – Estudante benefisiáriu na’in-64.466 hosi Instituisaun Ensinu Superiór Públiku Privadu (IESPP) sei hetan izensaun propina hosi Governu iha tempu besik.

Notísia Relevante : MESSK propoin millaun $19-resin ba ijensaun propinas no fornesimentu internete

Ministru Ensinu Superiór, Siénsia no Kultura (MESSK), Longuinhos dos Santos, relata katak MESSK simu ona dadus estudante benefisiáriu hosi IESPP 17 ne’ebé eziste iha Timor-Leste, maibé sei falta Instituisaun Don Boaventura mak submete lista naran estudante sira-nian.

“Ha’u simu ona totál dadus benefisiáriu hosi IESPP 17 hamutuk 64.466 mak sei hetan izensaun propina. Ami prevee ona orsamentu purvolta milaun $5.6 hodi halo pagamentu ba kada IESPP hodi reembolsa ba estudante-sira,” Longuinhos  hateten ba jornalista-sira iha Dili, sesta ne’e

Ministru Longuinhos dos Santos, relata  katak loloos dadus ne’e nia aprezenta ona ba Ministériu Finansa,  ohin, maibé ministériu sei preokupa ho diskusaun proposta OJE 2022 nian, nune’e adia ba segunda (07/06).

Nia informa mós kona-bá pagamentu ba liña internet nian, kuaze estudante 34.448 mak sei sai benefisiáriu ba subsídiu ne’e ho orsamentu ne’ebé Ministériu prepara purvolta millaun $1-resin.

Jornalista : Tomé Amado

Editór       : Francisco Simões

 

HAKEREK NO HATÁN

Please enter your comment!
Please enter your name here