Ministru Administrasaun Estatál (MAE), Miguel Pereira de Carvalho. Imajen/TATOLI

DILI, 31 maiu 2021 (TATOLI)—Ministru Administrasaun Estatál, Miguel Pereira de Carvalho, fó-sai katak hahú hosi 01 janeiru 2022 illa Ataúro sai munisípiu foun no Lore ho Hatulia B sai postu administrativu foun.

Miguel Pereira de Carvalho, hateten Governu nia intensaun atu kria sirkunkriasaun administrativa primeiru eskalasaun foun iha munisípiu Ataúronune’e mós kria tán sirkunkriasaun administrativa rua seluk mak ida iha Ermera (Hatulia B) no Loré (Lautem) sai postu administraivu foun.

Ho sirkunkriasaun eskalaun dahuluk  ba área tolu atu Governu Sentrál fó atensaun no aproximasaun serbisu públiku sira hodi garante no benefísia hosi prestasaun serbisu públiku ne’ebé fó hosi Estadu ba populasaun sira.

Mapa Ataúru. Foto/Google.

“Intensaun hosi lejizlativa ida-ne’e ami espera katak sei atinje maiór armonizasaun área jeográfika postu administrativa sira iha munisípiu Dili, Lautem no Ermera. Partularmente (terutama) ba illa Ataúro ho entrada ein-vigór no prodús efeitu iha 01 janeiru, ita bele iha administrasaun munisipál Atauro,” Ministru Miguel Pereira de Carvalho, esplika liuhosi diskusaun ba proposta-lei divizaun administrativa territóriu, iha uma fukun, segunda ne’e.

Intensaun hosi alterasaun ida-ne’e espesifikamente atu minimiza efeitu hosi insularidade jeografika hosi área tolu refere.

Nune’e mós atu responde ba pedidu sira no aspirasaun hosi populasaun sira, partikulamente atu garante katak administrasaun públika ne’e bele besik liután ba iha populasaun sira iha área remota.

Iha tinan 2021 ne’e, Governu sei prepara estatutu ba munisípiu Ataúro nian ne’ebé konsonánsia ho proposta-lei podér lokál no desentralizasaun administrativa, ne’ebé oras ne’e diskute ona iha Komisaun A.

Nia fó-sai katak, ho lejizlasaun sira-ne’ebé aprova hosi Parlamentu Nasionál sai baze ba Estadu, nune’e iha tempu tuir mai instala munisípiu sira.

Notísia Relevante: PN aprova proposta-lei divizaun adminsitrativa territóriu iha finál globál

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here