Prezidente Repúblika, Francisco Guterres Lú Olo, Prezide Reuniaun Konsellu Estadu iha Palásiu Prezidente Nicolau Lobato, Bairru Pite, Dili, kuarta, (26/05). Imajen Tatoli /Egas Cristovão

DILI, 26 abríl 2021 (TATOLI)—Konsellu Estadu (KE) no Konsellu Superiór Defeza no Seguransa (KSDS), kuarta ne’e hala’o reuniaun ho Prezidente Repúblika, Francisco Guterres Lú Olo, hodi ko’alia kona-ba renovasaun estadu emerjénsia ne’ebé realiza iha Palásiu Prezidensiál Nicolau Lobato, Bairru Pite, Dili.

Asesór Polítiku Prezidente Repúblika, Gregorio Sousa, hatete Konsellu Estadu no Konsellu Superiór Defeza no Seguransa ho unanimidade rekomenda ba Prezidente Repúblika Francisco Guterres “Lú Olo” atu haruka karta ba Parlamentu Nasionál hodi halo estensaun ba Estadu Emerjénsia ba dala-XIV.

“Ohin, reuniaun entre Konsellu Estadu no Konsellu Superiór Defeza Seguransa ho Prezidente Repúblika deside ho unanimidade rekomenda ba Xefe Estadu atu renova tan estadu emerjénsia,” Gregório Sousa hateten ba jornalista sira, kuarta ne’e.

Pedidu Governu nian atu estende Estadu Emerjénsia (EE) ne’e bazea ba dadus hosi Sentru Integradu Jestaun Krize (SIJK) rejista, iha segunda (25.04) ne’e kazu óbitu ida (1), pozitivu 198, rekoperadu 132 no kazu ativu 2.666, no kumulativu kazu konfirmadu sura hosi 21 marsu 2020 to’o 25 maiu 2021 hamutuk 6.014.

Membru Konsellu Superior Defeza no Seguransa ne’ebé partisipa iha reuniaun ne’e mak hanesan, Prezidente Repúblika (PR), Francisco Guterres Lú Olo, Primeiru-Ministru (PM) Taur Matan Ruak, Ministra Negósiu Estranjeiru no Kooperasaun (MNEK), Adaljiza Magno, Ministru Defeza no Ministru Interiór interinu Filomeno da Paixão de Jesus, Ministru Justisa (MJ) Manuel Carceres. Hosi Parlamentu Nasionál, David Dias Ximenes, Abel Pires da Silva, Xefe Estadu Maiór Jenerál FALINTIL Forsa Defeza Timor Leste (F-FDTL), Tenente Jenerál Lere Anan Timur, Komandante Jerál Polisia Nasionál Timor Leste (PNTL), Komisáriu Faustino da Costa, ho Diretór Ezekutivu Forum Organizasaun Naun Governamentál (FONGTIL) Daniel Santos do Carmo.

Entretantu, membru Konsellu Estadu ne’ebé partisipa iha reuniaun ne’e mak atuál Xefe estadu Francisco Guterres “Lú Olo”, Prezidente Parlamentu Nasionál Aniceto Guterres, Membru Konsellu Ministru, Eduardo Barreto, Prezidente Komisaun Nasionál Eleisaun (CNE) Alcino Barris, eis Prezidente José Ramos Horta, Aurora Ximenes, Maria Dadi Soares Magno.

Membru Konsellu Estadu ne’ebé partisipa iha reuniaun ne’e mak atuál Xefe Estadu) Francisco Guterres Lú Olo, Primeiru-Ministru (PM) Taur Matan Ruak, Eis Prezidente Repúblika José Manuel Ramos Horta, Prezidente Parlamentu Nasionál Aniceto Guterres Lopes, membru ne’ebé nomeia hosi Prezidente Repúblika mak hanesan Prezidente Kámara Komérsiu Indústria (CCI- TL-sigla portugés) Oscar Lima, Prezidente Komisaun Nasionál Eleisaun (CNE-sigla portugés) Alcino de Araújo Barris, no nomea hosi Parlamentu Nasionál mak hanesan Aurora Ximenes, José Cornelio Guterres, Arcánjelo de Jesus Gouveia Leite, no José dos Santos (Naimori Bukar).

Notísia Relevante:  Prezidente Repúblika dekreta Estadu Emerjénsia ba dala-XII

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here