SEPS distribui apoiu emerjénsia ba família afetadu dezastre naturál iha Aldeia Lisbutak, Suku Manleuana, Postu Don Aleixo, Munisípiu Dili, domingu (11/04). Imajen/mídia SEPS

DILI, 24 maiu 2021 (TATOLI)-Sekretáriu Estadu Protesaun Sivíl (SEPS), segunda ne’e, fó apoiu ai-han ba vítima dezastre naturál, inklui kbiit-laek hamutuk uma-kain 446 iha Suku Manleuana, Dili.

Notísia Relevante : SEPS husu vítima inundasaun seidauk simu apoiu bele reklama

“Ita-nia komunidade ne’ebé  simu ai-han hosi SEPS ne’e mai hosi aldeia rua, Mane-Mesac no Lauloran, hamutuk uma-kain 446. Hirak ne’e la’ós ba vítima dezastre naturál de’it, maibé mós ba ema-kbiit laek hotu,” Xefe Suku interinu Manleuana, António Ribeiro dos Santos, informa ba Agência Tatoli iha Sede Suku Manleuana.

Molok dezastre naturál, 04 abríl liubá, lideransa komunitáriu hamutuk ho xefe aldeia-sira foti uluk ona dadus komunidade  kbiit-laek ne’ebé susar ba  tanba serka sanitáriu no konfinamentu obrigatóriu . Nune’e, SEPS aloka apoiu ne’e hodi responde ba vítima dezastre naturál ho mós ba família kbiit-laek sira.

“Ba segunda faze nian, tanba faze dahuluk iha semana kotuk ba Aldeia haat mak Lisbutak, Lemocari, Mundu Perdido no Manleuana, entaun ohin ba aldeia rua, Mane-Mesac hamutuk uma-kain 299 no Lauloran uma-kain 140 liu. Sasán ne’ebé SEPS SEPS fahe mak hanesan, foos, supermi, mina, ikan sardina, susubeen,” nia informa.

Maneira fahe ai-han ba komunidade mak nia dehan, kada uma-kain ida hetan foos saka ida, supermi kaixa ida, ikan sardina lata sanulu, mina masa natoon ida no susubeen plástiku ida.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here