Logotipu UNTL.

DILI, 24 maiu 2021 (TATOLI) – Estudante finalista na’in-241 hosi Universidade Nasionál Timor Lorosa’e (UNTL), tersa (25/05/2021), simu graduasaun online.

Notísia Relevante : Fulan ne’e, UNTL halo graduasaun virtuál ba estudante finalista 100-resin

Estudante finalista hirak ne’e hosi Fakuldade Siénsia Saúde, Fakuldade Enjeñaria, Fakuldade Edukasaun Arte Umaniora, Fakuldade Siénsia Sosiál no Fakuldade Ekonomia Jestaun.

Vise-reitór UNTL ba asuntu Estudantíl, Samuel Venâncio de Sousa Freitas, informa  antes ne’e estudante finalista ne’ebé halo ona inskrisaun atu hetan graduasaun online hamutuk 250. Maibé iha inskrisaun daruak hetan de’it 241.

Ba jornalista-sira iha INFORDEPE, Dili, segunda ne’e, Samuel Venâncio de Sousa Freitas, esplika mezmu graduasaun ne’e online, maibé rekizitu bá estudante finalista ida atu hetan graduasaun tenke uza atributu graduasaun nian.

Rekizitu  serimónia graduasaun online nian sei konvida de’it mellor estudante na’in-lima reprezenta kada fakuldade no Magnífiku Reitór sei muda sir- nia fita depois maka graduandu sira seluk muda rasik sira nian.

Jornalista       : Tomé Amado

Editór             : Francisco Simões

HAKEREK NO HATÁN

Please enter your comment!
Please enter your name here