Ministru Asuntu Parlamentár no Komunikasaun Sosiál, Francisco Jerónimo, sai inspetór ba seremónia hasa’e bandeira iha Palásiu Governu, segunda (05/10). Imajen/SEKoop.

DILI, 18 maiu 2021 (TATOLI)—Komisaun Anti Korrupsaun (CAC sígla portugés), husu ba kargu xefia iha   ministériu hotu-hotu no instituisaun autónomu sira, atu partisipa no kontribui iha prosesu rekolla arrolamentu ba prosesu deklarasaun riku-soin no bens interese.

“Husu instituisaun hotu-hotu ne’ebé ita haruka ona notifikasaun atu bele fó instrusaun ba kargu xefia,  atu bele kontribui prienxe prosesu faze arollamentu dahuluk, hodi fó susesu ba serbisu ida-ne’e,’’ Komsáriu, Sérgio Hornai, hateten ba jornalista Agéncia Tatoli, via telefónika, kuarta ne’e.

Notísia relevante:Deklara riku-soin, CAC hahú arrolamentu ba kargu xefia

Objetivu prinsipál hosi arollamentu ne’e, atu rekolla informasaun ne’ebé loloos liuliu iha númeru, no iha semana kotuk, CAC haruka ona notifikasaun  ba ministériu-sira ba prosesu ida-ne’e.

Karta notifikasaun ne’e, CAC hato’o ba diresaun rekursu umanu ministériu ida-idak, atu rekolla dadus kargu xefia no funsionáriu ne’ebé serbisu hanesan responsável iha área reseita, hafoin aprezenta fila-fali lista ba CAC, anexa mós ho formuláriu manuál arrolamentu, hodi prienxe deklarante ho agregadu familiár, nune’e bele hatama ba sistema.

Oras-ne’e daudaun, CAC koordena ho Tribunál Rekursu (TR) no Ajénsia Teknolojia Informasaun no Komunikasaun (TIC sígla portugés) Timor, Institutu Públiku, atu bele dezeña prosesu tékniku sistema formuláriu ba deklarasaun liu hosi meiu dijitál.

Tuir lei, iha forma rua sistema ho dijital no konvensionál, tanba ne’e, CAC prefere kria sistema eletróniku ne’ebé daudaun prosesu la’o hela no sistema ne’e sei asegura deklarante-sira.

Prosesu arollamentu dadus pesoál ne’ebé instituisaun ida-idak sei aprezenta relatóriu informasaun, CAC hahú efetua serbisu ba instituisaun hira mak arroladu, hodi sujeita halo deklarasaun.

Tanba ne’e, sei halo arollamentu ba dadus pesoál hosi instituisaun hotu-hotu, atu bele define mapeamentu instituisaun hira mak aplika uluk ba deklarasaun riku-soin.

Lei númeru 7/2020, 26 agostu kona-bá Medida Prevensaun no Kombate Korrupsaun (MPKK) tama ona iha vigór, iha 22 fevereiru 2021.

Lei ne’e prevee iha kapitulu II Regime de Declaracão de Rendimentos, Bens e Interesses hosi artigu 27 to’o artigu 58.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here