Membru Polísia Nasionál Timor Leste (PNTL), liu hosi Unidade Tránzitu, hala’o pasa revista iha área estádiu munisipál Dili, no kontinua halo sosializasaun regra serka sanitária ba komunidade, segunda (17/05/21). Imajen Tatoli/António Gonçalves.

DILI, 17 maiu 2021 (TATOLI)—Hahú hosi 09 to’o 14 maiu 2021, Polísia Nasionál Timor Leste (PNTL), rejista kazu insidente hamutuk 21 no asidente hamutuk neen.

Portavóz Komandu Jerál PNTL, Superintendente Xefe, Arnaldo de Araújo informa ho kazu hirak ne’ebé akontese, la afeita ba situasaun segurasa iha teritóriu Timor-Leste (TL).

Notísia relevante:PNTL rejista kazu asidente 33 no insidente hamutuk 55

“Komandu rezista kazu insidente hamutuk 21 no kazu asidente hamutuk neen. Maski nune’e, situasaun seguransa iha la’o hakmatek no kontroladu,” Arnaldo de Araújo, hateten liu hosi komunikadu, iha segunda ne’e.

Kazu insidente 21, kompostu hosi tipu kazu asalta-malu hamutuk 11, tuda PNTL ida, tuda karreta no motór iha rua, tuda uma iha ida no violénsia doméstika hamutuk  neen (6). Tipu kazu asidente, iha ema kanek grave ida no kanek kaman lima.

Ho kazu hirak ne’e halo PNTL kontinua halo fiskalizasaun ba implementasaun estensaun serka sanitária no konfinamentu jerál ba populasaun iha munisípiu Dili no serka sanitária iha munisípiu Baucau no Covalima.

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here