Diretór Kliniku, HNGV, Flávio Brandão. Imajen Tatoli

DILI, 17 maiu 2021 (TATOLI)—Diretór Kliniku, Ospitál Nasionál Guido Valadares (HNGV sígla portugés), Flávio Brandão, hateten prosesu autópsia ba mate-isin Levenita Madeira, depende ba pedidu hosi Ministériu Publiku (MP).

”To’o agora ha’u seidauk simu pedidu hosi Ministériu Públiku atu halo autópsia,” Flávio Brandão, hateten ba jornalista-sira, iha HNGV, segunda ne’e.

Notísia relevante:Levenita Madeira hakotu-iis ho tara an, família husu investigasaun kle’an

Flávio Brandão esplika, atu halo autópsia ba kazu hanesan ne’e, tenke iha autorizasaun hosi instituisaun relevante, tanba normalmente tenki hetan pedidu hosi MP.

Entretantu, família mós husu ona ba autoridade kompetente atu halo investigasaun kle’an ba kazu matebian Levenita Madeira, ne’ebé hakotu-iis iha ninia rezidénsia Babonuk, postu administrativu Dom Aleixo, munisípiu Dili, ho kondisaun tara an, iha domingu (16/05/21).

Polísia Nasionál Timor-Leste (PNTL), mós liu hosi Serbisu Investigasaun Kriminál Nasionál (SIKN), bolu ona Sekretáriu Estadu Arte no Kultura (SEAK), Teófilo Caldas, hodi halo indentifkasaun nu’udár sasin ba kazu ninia kaben Levenita Madeira.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here