Prezu sira iha Prizaun Becora. Imajen/Dok.TATOLI

DILI, 17 maiu 2021 (TATOLI)—Ministru Justisa (MJ), haruka ona naran prizioneiru hamutuk na’in 58 ba Prezidente Repúblika (PR), Francisco Guterres Lú Olo, atu bele hetan indultu iha komemorasaun loron restaurasaun indepedénsia, 20 maiu tinan ne’e.

“Ministériu Justisa, hatama ona pedidu indultu hamutuk 58 ba Prezidente Repúblika,’’ Ministru Justisa,  Manuel Cárceres da Costa, hateten ba jornalista-sira hafoin sorumutu ho  Primeiru Ministru (PM), Taur Matan Ruak, iha rezidénsia Faról, segunda ne’e.

Notísia relevante:MJ husu MS oferese vasina ba prizioneiru-sira

Nia hateten, dadur sira ne’e prienxe ona rekezitu pena um terço atu bele hetan indultu, maibé konpeténsia iha Xefe Estadu.

Oras-ne’e daudaun prizaun Becora iha prizioneiru 541, prizaun Suai iha prizioneiru 101 no prizaun Gleno iha prizioneiru 117.

Tuir lei númeru 5/2016 artigu 7 alínea d, Ministru Justisa hato’o de’it prosesu pedidu indultu, bele mai hosi dadur, família, defeza ka kestaun ho kondisaun moras no kompeténsia atu deside mai hosi Xefe Estadu.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here