Traballadór hosi empreza Montana Diak kontinua serbisu faze finál rekonstrusaun estrada protokolu iha Embaixada Japaun oin, iha Praia dos Coqueiros, segunda (17/05). Imajen Tatoli/Florêncio Miranda Ximenes

DILI, 17 maiu 2021 (TATOLI)–Empreza Montana Diak konklui ona projetu emerjénsia rekonstrusaun estrada protokolu iha embaixada Japaun oin, Praia dos Coqueiros, ne’ebé estraga totál kauza dezastre naturál iha fulan-abríl.

“Konstrusaun iha ona faze ikus liu, agora fui alkatraun no ida faze ikus liu fui alkatraun ACWC ne’ebé ohin finaliza ona. Hahú ohin tuku 5 lorokraik konklui ona no aban transporte públiku no privadu bele asesu ka halo movimentasaun ona liuhosi estrada iha Embaixada Japaun oin,” Diretór Nasionál Estrada, Ponte no Kontrolu Cheia, João Mário Gama de Sousa, hateten ba Agência Tatoli, iha ninia knaar fatin, Comoro, Dili, segunda ne’e.

Traballadór hosi empreza Montana Diak kontinua serbisu faze finál rekonstrusaun estrada protokolu iha Embaixada Japaun oin, iha Praia dos Coqueiros, segunda (17/05). Imajen Tatoli/Florêncio Miranda Ximenes

Daudaun, empreza finaliza ona tau base course sentímetru 20 no alkatraun ACBC faze dahuluk kamada sentímetru 6, ne’ebé faze ikus mak no nahe alkatraun ACWC daruak ho kamada sentímetru 4 hodi bele konklui iha segunda ne’e.

Notísia relevante: Governu indika Montana Diak hahú rekupera estrada Embaixada Japaun oin

Progresu rekonstrusaun ne’e liuhosi faze aterru sub base course no kompasaun, aterru RIPRAP hodi proteje tasi-been baku ka konstrui moru retensaun, instalasaun pipa 2-inci no 5-inci, hodi kria sirkulasaun bee ne’ebé konsentra iha estrutura estrada nia okos hodi sai ho di’ak no sei la prejudika estrada nia estrutura no faze ikus, fui alkatraun ka base course no aspalting.

Traballadór hosi empreza Montana Diak kontinua serbisu faze finál rekonstrusaun estrada protokolu iha Embaixada Japaun oin, iha Praia dos Coqueiros, segunda (17/05). Imajen Tatoli/Florêncio Miranda Ximenes

Rekonstrusaun estrada ne’e hahú 20 abríl to’o maiu 2021 (durasaun fulan ida), hafoin hetan desizaun hosi Konsellu Administrasaun Fundu Infraestrutra (KAFI) no realiza kontratu ho empreza Montana Diak hodi konstrui estrada ho karatér emerjénsia ho kustu obra $314.000.

Ministru Obra Públiku, Salvador Eugênio Soares dos Reis Pires, kontinua orienta ekipa tékniku akompaña progresu serbisu rekonstrusaun estrada protokolu ne’e hodi garante projetu emerjénsia  bele iha kualidade di’ak.

Traballadór hosi empreza Montana Diak kontinua serbisu faze finál rekonstrusaun estrada protokolu iha Embaixada Japaun oin, iha Praia dos Coqueiros, segunda (17/05). Imajen Tatoli/Florêncio Miranda Ximenes

Tuir observasaun Agência Tatoli iha terrenu, nota katak daudaun tékniku sira hahú hasai foer sira estrada laran atubele fui alkatraun faze ikus nian.

Enkuantu, rekonstrusaun ba moru retensaun no trotoár inklui baleta ka bee-dalan finaliza ona.

 Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here