Mate-isin Juga Gama haloot ona iha semitériu Becusse
DILI, 14 maiu 2021 (TATOLI)—Família, serbisu hamutuk ho Sala Situasaun Sentru Integradu Jestaun Krize (SIJK), haloot ona mate-isin prizioneriu Juga Gama, iha semitériu públiku Becusse, sesta tuku 14:00 otl.
Serimónia funerál ne’e, hahú ho misa requiem ne’ebé prezide hosi reitór Semináriu Nossa Senhora de Fátima Balide, Padre Angelo Salsinha.
Notísia relevante:Prizioneiru Juga Gama hakotu-iis iha izolamentu Vera Cruz
Hafoin misa, prosesu haloot mate-isin, realiza hosi ekipa Forsa Tarrefa Prevensaun no Mitigasaun COVID-19, tuir protokolu saúde.
Tuir observasaun Agência Tatoli iha terrenu, ekipa saúde lori mate-isin hosi sala izolamentu Vera Cruz, iha tuku 12:00 otl, ba rai iha rezidénsia matebian iha Taibesi, durante oras ida, hafoin lori ba semitériu Becusse.
Prizoneiru Juga Gama, hakotu-iis ho COVID-19, iha sala izolamentu Vera Crus, kinta (13/05).
Istória moras hosi matebian, durante iha prizaun Becora hanesan prizioneiru, Juga Gama sofre moras lepra ho tempu naruk, no matebian detetadu COVID-19 hosi ekipa vizilánsia, iha 11 maiu 2021.
Jornalista: Nelson de Sousa
Editór: Cipriano Colo
