Prezidente Konsellu Ezekutivu INCT, Jose Cornelio Guterres. Tatoli/ Egas Cristóvão

DILI, 12 maiu 2021 (TATOLI) – Prezidente Konsellu Ezekutivu Institutu Nasionál Siénsia Teknolojia (INCT), José Cornelio Guterres, rekomenda ba Ministériu Edukasaun, Juventude no Desportu (MEJD) ho Ministériu Ensinu Superiór, Siénsia no Kultura  (MESSK) atu kria formasaun espesífiku ho adekuadu ba profesór-sira no dosente-sira, atu nune’e, bele hatene utiliza dijitalizasaun iha programa aula virtuál ka online.

Notísia Relevante : 30% estudante IOB asesu aula online iha etapa dahuluk

 “Ita-nia profesór-sira agora hasoru mudansa paradigma ensinu ho lalais liu. Ita-nia profesór-dosente barak hasoru difikuldade boot bainhira utiliza dijitalizasaun tanba sira seidauk ábitu ho maneira foun implementasaun programa ensinu  online ne’e. Ami husu atu iha formasaun ba sira,” José Cornelio Guterres, hateten ba jornalista-sira iha ninia servisu fatin, Dili, kuarta ne’e.

Nia esplika sistema ida-ne’e foun, MEJD ho MESSK tenke hanoin ona kria formasaun adekuadu no espesífiku ba profesór-sira ho dosente-sira kona-ba utilizasaun plataforma online atu bele apoiu fali estudante-sira iha prosesu ensinu online nian.

Jornalista       : Tomé Amado

Editór             : Francisco Simões

 

HAKEREK NO HATÁN

Please enter your comment!
Please enter your name here