IOB Timor-Leste

DILI, 12 maiu 2021 (TATOLI) – Estudante Institute of Business (IOB) 30% partisipa aula online etapa dahuluk. Estudante-sira ne’e bele asesu audio no video konferénsia ho programa online Zoom no Google classroom tanba sira iha meius adekuadu.

Notísia Relevante : Telkomcel oferese pakote livre internet 700 MB ba IOB

Vise-Reitór IOB trata asuntu Akadémiku  no Estudantíl, António Soares Martins, kuarta ne’e, informa ba Agência Tatoli iha Dili, katak  IOB nafatin esforsa atu estudante 30% asesu ona aula online ne’e labele lakon oportunidade durante hela iha uma.

“Ami kria programa aula online ho maneira Google classroom ne’e hanesan virtuál la ezije estudante-sira atu tuir matéria hanesan aula prezensiál. Ami-nia estudante-sira iha tempu bele tama hodi foti matéria. Bá audio-video konferénsia ka Zoom ne’e mak ami husu ba sira semana ida sira bele online,” Vise-Reitór António Soares Martins haktuir.

Ba estudante-sira ne’ebé laiha meius atu partisipa iha programa online ho plataforma Google Classroom no audio-video konferénsia Zoom ne’e, IOB iha alternativu hodi oferese aula rekuperasaun bainhira situasaun normaliza hikas sira bele hetan fali matéria iha aula prezensiál.

Programa aula online tinan akadémiku 2021 ne’e, IOB lansa iha loron 18 abríl fulan kotuk, rezultadu hosi fulan ida nia laran ne’e konsege atinje ona estudante 30% mak partisipa iha programa ne’e.

jornalista        : Tomé Amado

Editór             : Francisco Simões

HAKEREK NO HATÁN

Please enter your comment!
Please enter your name here