Arguidu kazu UNPAZ na'in-16, submete ba audiénsia primeiru interogatóriu iha TDD, tersa (23/06/20). Imajen/Nelson de Sousa.

DILI, 12 maiu 2021 (TATOLI)—Polísia Nasionál Timor Leste (PNTL), liu hosi Serbisu Investigasaun Kriminál Nasionál (SIKN), seidauk konklui investigasaun ba suspeitu na’in 17, ne’ebé deskonfia envolve iha kazu óho matebian Hendrique Maia Soares (21), iha arredór Universidade da Paz (UNPAZ).

Portavóz Komandu Jerál PNTL, Superintendente Xefe, Arnaldo de Araújo, dehan, suspeitu na’in 17 ne’e submete ona ba prosesu investigasaun iha SIKN no detein hela iha sela polísia munisípiu Dili.

Notísia relevante:Kazu UNPAZ, PNSIK detein suspeitu na’in 17

“Autór-sira ne’ebé kapturadu hamutuk ema na’in 17 no oras-ne’e daudaun detein hela iha sela polísia, hodi hein prosesu investigasaun,” Arnaldo de Araújo, hateten ba jornalista-sira iha Komandu Jerál PNTL, Caicoli, kuarta ne’e.

Suspeitu na’in 17 ne’e, kompostu hosi feto na’in-rua (2), mane na’in 15, PNTL detein hosi ida-idak nia  rezidénsia suku Bairru-Pité, Dili, tanba ezekuta mandadu Tribunál Distritál Dili ho NUC 0031/21.PGGCC.

Tuir dadus ne’ebé SIKN rekolla, suspeitu hamutuk na’in 22 ho inisiál FPG, FTE, QB, M (seidauk indentifika), DLCA, CAH (seidauk indentifika), FCSM, SPJ, JLFO, JPST, AVRMC, LSV, JSCA, JS, DPS, LSM, JCRA, ZCCA, GPD, J (seidauk indentifika), no JK.­

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here