Sekretáriu Estadu Formasaun Profesionál no Empregu (SEFOPE), Alarico de Rosario. Imajen/Egas Cristovão

DILI, 12 maiu 2021 (TATOLI)—Governu Timor-Leste liuhosi Ministériu Negósiu Estranjeiru no Kooperasaun (MNEK) no Sekretaria Estadu Formasaun Profisionál no Empregu (SEFOPE) komunika ona ho parte Governu Korea Súl hodi bele transporta traballadór timor-oan ne’ebé hetan ona kontratu no preparadu atu bá serbisu.

“Ita halo ona karta ba Ministru Traballu Korea atu hetan aprovasaun, nune’e ita bele haruka ita-nia alin sira bá serbisu iha ne’ebá,” Sekretáriu Estadu Formasaun Profisionál no Empregu, Alarico do Rosário, informa iha edifísiu SEFOPE, Caicoli, kuarta ne’e.

Notísia relevante: SEFOPE-Embaixada Korea diskute dezklokasaun traballadór timor-oan

Tuir governante ne’e, prosesu transportasaun traballadór timor-oan depende hosi aprovasaun Governu Korea Súl.

“Sira seidauk pasa informasaun dehan katak sira atu simu, maibé iha tempu badak  ita sei haruka tan traballadór 100,” nia akresenta.

Traballadór regulár ne’ebé halo ona teste no foin dahuluk atu bá, na’in-420 mak iha ona kontratu no hein de’it atu aranka.

Hahú tinan 2009 to’o 2020, traballadór timor-oan hamutuk 3.696 mak serbisu ona iha Korea Súl iha área peska, fábrika no agrikultura.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here