IOB Timor-Leste

DILI, 15 abríl 2021 (TATOLI) – Operadór Telkomcel oferese pakote livre internet  700 Megabyte (MB) ba Institute of Business  (IOB) hodi fasilita dosente no estudante hamutuk 4,726 atu bele asesu liña internet ne’ebé IOB prepara ona.

Notísia Relevante :  Telkomcel oferese ona sim card ba estudante UNTL 4.000-resin

Vise-Reitór IOB,  António Soares Martins, ba Agência Tatoli, kinta ne’e, iha Kampus IOB, Fomento, Dili, informa  molok implementasaun serka sanitária estudante no dosente-sira iha IOB hetan ona apoiu pakote unlimited $1.00 utiliza bá loron rua.

Nia akresenta katak durante reparasaun IOB nian durante fulan ida nia laran ne’e maka kria matéria no modula, rezumu matéria PowerPoint, aprezentasaun referénsia no platform online. Tanba IOB utiliza classroom google  (learning management system) ka zoom para bele utiliza ba video konferénsia.

Tuir nia katak husi programa sira ne’e hotu, parte estrutura reitoradu deside ona atu fó biban uluk ba dosente-sira ne’ebé hetan avaliasaun katak iha ona preparasaun másimu maka merese atu hahú matéria online ba estudante sira.

“Ha’u fahe ona kestionáriu ba fakuldade-sira para sira bele halo eskrita mai ha’u. Tuir informasaun verbal ne’ebé ha’u simu hateten purvolta porsentu 55 preparadu ona atu hanorin matéria online hodi hein tan dosente-sira seluk hala’o sira-nia preparasaun,” António Soares Martins hateten.

Jornalista       : Tomé Amado

Editór             : Francisco Simões

 

 

HAKEREK NO HATÁN

Please enter your comment!
Please enter your name here