Membru PNTL hala’o pasa revista ba komunidade ne’ebé la uza máskara, iha áera rotunda Prezidente Nicolau Lobato, Comoro, segunda (03/05/21). Imajen Tatoli/António Gonçalves.

DILI, 11 maiu 2021 (TATOLI)—Polísia Nasionál Timor Leste (PNTL) liu hosi Komandu munisípiu Dili, orienta ona membru-sira atu halo investigasaun hodi solusiona kazu tuda rahun uma komunidade ida, iha gang Lafaek, Beto Barat, suku Comoro, postu administrativu Dom Aleixo, munisípiu Dili.

Kazu ne’e halo hosi oknum joven balun iha segunda (10/05) no rezulta uma komunidade nian ida vidru no janela rahun.

Notísia relevante:Konfrontu iha Surikmas, PNTL detein joven na’in-tolu

“PNTL Dili halo ona intervensaun, hodi hakalma krime tuda uma komunidade ne’ebé akontese iha área gan Lafaek,” Komandante munisípiu Dili, Superintendente Xefe, Henrique da Costa hateten ba jornalista Agência Tatoli, tersa ne’e.

Oras ne’e daudaun, PNTL eskuadra Ai-mutin rekolla ona dadus hosi vítima ida ne’ebé nia-uma hetan tuda, hodi buka autór-sira atu bele tuur hamutuk buka solusaun ho dame tuir família.

Superintendnete Henrique da Costa, husu ba membru-sira atu koordena ho autoridade suku no membru Konsellu Polisiamentu Komunitária (KPK), hodi halo patrullamentu iha kalan no loron hodi evita konflitu.

Tuir observasaun, PNTL hosi unidade-sira, kontinua destakadu ih estrada públiku sira iha Dili laran, hodi halo patrrulamentu liuliu kontrola movimentu komunidade, bele kumpe regra serka sanitária.

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here