Seremónia pose Prezidente Konsellu Administrasaun RTTL, E.P, José António Belo ‘Taraleu’, iha salaun Prezidénsia Konsellu Ministru, Palásiu Governu, tersa (11/05). Imajen TATOLI/António Gonçalves

DILI, 11 maiu 2021 (TATOLI)—Ministru Asuntu Parlamentar no Komunikasaun Sosiál (MAPKOMS), Francisco Martins da Costa Pereira Jerónimo, kompromete sei kontinua apoia infrastrutura Rádiu no Televizaun Timor-Leste, Empreza Públika, (RTTL, E.P).

“Ha’u hanesan Governu, sei hambrik nafatin iha RTTL, E.P nia sorin atu fó asisténsia nafatin, nune’e mídia estatál ne’e bele sai independente, ho akompañamentu hosi Governu. Ami sei fó nafatin apoiu iha infraestrutura hodi alkasa objetivu ne’ebé iha,”  Governante dehan liuhosi diskursu iha seremónia pose Prezidente RTTL, E.P foun iha salaun Prezidénsia Konsellu Ministru, Palásiu Governu, tersa ne’e.

Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo. Imajen TATOLI/António Gonçalves

Notísia relevante: Prezidente RTTL,E.P emposadu enkoraja jornalista sai inovativu ho neon badaen

Governante ne’e husu ba Prezidente RTTL, E.P foun, José António Belo ‘Taraleu’ atu halo planu asaun ho di’ak.

“Governu atu kria kondisaun atu nune’e bele dezenvolve sai empreza públika tuir dekretu-lei,” nia akresenta.

Prezidente Konsellu Administrasaun RTTL, E.P, José António Belo ‘Taraleu’. Imajen TATOLI/António Gonçalves

Iha dekretu-lei númeru 42/2008 36 novembru kona-ba transforma Rádiu no Televizaun Timor-Leste ba Empreza Públika, iha artigu 4 kona-ba tutela no superintendénsia, hateten katak RTTL, E.P ezerse atividade iha dependénsia tutelár hosi membru Governu responsável iha área komunikasaun sosiál, ho kompeténsia, define liña orientadora bazeia ba programa Governu no respeitu ba liberdade editoriál.

Eziji informasaun nesesária ho akompañamentu RTTL, E.P, hanesan determina auditoria ba funsionamentu.

Define parámetru negósiu koletiva no aprova regulamentu internu hodi submete ba Konsellu Administrasaun ho prazu loron 90, konta hosi data publikasaun diploma.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here