Médiku-sira hala’o hela teste swab ba komunidade iha sede suku Caicoli, sesta (07/05/22). Imajen Tatoli/António Gonçalves.

DILI, 10 maiu 2021 (TATOLI)—Sala Situasaun Sentru Integradu Jestaun Krize (SIJK), rejista kazu pozitivu COVID-19 hamutuk 126, rekoperadu 82 no kazu ativu 1.584.

“Ohin iha kazu detetadu 126, na’in 120 iha hotu  Dili, munisípiu seluk na’in-lima, rekoperadu na’in 82, totál kazu ativu 1.584,’’ Koordenadór Forsa-Tarefa ba Prevensaun no Mitigasaun, Rui Maria de Araújo  hateten liu hosi komunikadu, segunda ne’e.

Notísia relevante:COVID-19: pozitivu 116, rekoperadu 81 no ativu 1.540

Hosi totál kazu detetadu foun ohin  mane 63 no feto 63,  ho idade tinan 12 na’in-lima. Entre tinan 12-59 na’in 118 (93,6%) ho idade 60 na’in-tolu. Hosi totál kazu detetadu foun ohin, proporsaun kazu sintomátiku hamutuk 11,1%.

Totál kazu konfirmadu kumulativu sura hosi 21 marsu 2020 to’o ohin 3.353.

Hosi horisehik mai ohin, hamutuk hotu Laboratóriu Nasionál Saúde halo 719 testes PCR, ho detalla hanesan tuir mai, Vijilánsia sentinela 70, Rastreiu ba kontaktu (Contact tracing) 85, Rastreiu Aleatóriu (Random Screening) 251, Viajen sai hosi serka sanitária munisipiu Dili 304, Viajen internasionál laiha  Follow up iha kuarentena sia.

Totál testes PCR ne’ebé halo horisehik  9 maiu iha munisípiu sira seluk hamutuk 223, ho detalla hanesan tuir mai, Baucau 98,  Maliana hitu, Maubisse 71, Suai 18, Ermera 29,  Viqueque no RAEOA laiha.

Tabela evolusaun surtu COVID-19 iha Timor Leste  hosi 21 marsu 2020 to’o 10  maiu 2021, Aileu ualu kazu esporádiku, Ainaro 22 kazu esporádiku, Baucau 168  kazu detetadu foun iha oras 24 tolu kazu  iha cluster, Bobonaro 17 kazu esporádiku,  Covalima 59 kazu detetadu foun iha oras 24 ida kazu iha cluster, Dili 2811, totál kazu oras 24  iha 120  óbitu lima kazu iha transmisaun komunitária.

Ermera 51, totál akzu foun iha oras 24 kazu iha cluster, Lautem 22 kazu esporadiku, Liquiça 15 kazu esporádiku, Manatuto neen kazu esporádiku,  Manufahi 52  kazu iha cluster, RAEOA ualu kazu esporádiku Viqueque 19 kazu iha cluster.

Atu bele hatene surtu ida ninia evolusaun, no mós surtu ne’e aumenta ka diminui, indikadór ida ne’ebé matenek-na’in epidemiolojia nian uza, maka insidénsia.

Konvensionalmente insidénsia sukat totál kazu foun, kada loron, pur 100 mil habitantes, no hatudu risku ne’ebé populasaun iha atu hetan da’et moras ida.

Ba ohin loron, hosi insidénsia COVID-19 iha Timor-Leste durante loron hitu ikus mak 8,5/100 mil abitantes, enkuantu ba de’it Munisípiu Dili ohin loron nian 27,8/100 mil abitantes. 

Insidénsia iha leten sei nafatin hatudu katak Munisípiu Dili maka fatin ho risku bo’ot liu atu populasaun hetan da’et no hada’et tutuan virus SARS-CoV-2.

Iha 10 maiu  2021, izolamentu Vera Cruz halo tratamentu ba kazu detetadu na’in 36. Iha área obstetrisia na’in 17,  sirurjia ida, medisina interna na’in 16, pediatria na’in-rua.  Sira na’in 17 iha obstetrisia, kategoria moderadu hotu, sira-nia kondisaun estável.

Sira na’in 16 iha medisina interna, ida  grave (uza hotu oksijéniu), na’in 15 moderadu.  Kazu sirurjia ho ope fracture  moderadu, hosi kazu rua  pediatria, moderadu hotu.

Hakarak fó hanoin hikas ba públiku katak, bele uza númeru hotline 119, hodi kontakta ekipan operasionál iha Ministeriu Saúde, ezemplu, bainhira hakarak halo swab ba teste PCR, bele kontakta 119, hafoin ema ne’ebé atende telefone sei enkamiña ba ekipa vijilánsia epidemiolójika hodi bele organiza.

Nune’e mós bainhira ida dúvida ka presiza atendimentu ruma relasiona ho Surtu COVID-19, halo favór liga ba 119.

Aproveita informa mós ba públiku katak, fatin atu halo teste PCR maka hanesan tuir mai, bainhira sente moras isin-manas, mear, kakorok moras ka sintoma seluk tan bele ba konsulta iha Sentru Saúde ne’ebé besik, atu bele halo swab Bainhira atu husu autorizasaun esepsionál sai Hosi serka sanitaria iha Dili  bele ba halo swab iha Centro Convenções Dili (CCD).

Ba populasaun iha Timor-Leste laran tomak, favór respeita nafatin regra prevensaun no ijiéne individuál, ne’ebé Governu hatu’ur ona, atu prevene moras COVID-19 da’et ba mai.

Regra sira ne’e mak hanesan uza máskara, fase liman beibeik ho sabaun ka dezinfetante ruma, evita kose liman ba matan, inus ho ibun, bainhira kumprimenta-malu, la presiza ka’er-liman, bensa-liman, rei-malu ka haku’ak-malu,  evita halibur-malu barak, hamri’ik ka tur do’ok hosi ema seluk, mínimu metru ida ho balun.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here