Ministreiu Edukasaun hala'o workshop ho tema Sosializaun Planu Nasional ba Ema ho Defisiensia ba Setor Edukasaun 2020-2024, iha Salaun INFORDEPE, Dili, 01 Otubru 2020. Imajen/Antonio Goncalves

DILI, 07 maiu 2021 (TATOLI) –  Institutu Nasionál  Formasaun ba Dosente-sira  no  profisionál Edukasaun nian (INFORDEPE, sigla portugés) seidauk bele ezekuta Orsamentu Jerál Estadu (OJE) tinan fiskál 2021 nian ne’ebé aloka ba INFORDEPE ho montante millaun $1.3.

Notísia Relevante : Vise-prezidente INFORDEPE na’in-tolu simu pose

Prezidente INFORDEPE, Manuel Gomes de Araújo, klarifika katak  INFORDEPE seidauk bele ezekuta OJE 2021 nian tanba programa barak INFORDEPE nian liga ho viajen ba munisípiu-sira atu fó formasaun iha munisípiu ba profisionál-sira Edukasaun nian.

 “Tuir loloos profesór bacharalato-sira ne’ebé mak hetan ona formasaun ami tenke destaka ona ba eskola-sira hodi hala’o sira-nia estájiu, maibé tanba situasaun hanesan ne’e mak halo ami to’o agora labele realiza atividade-sira iha primeiru semestrál ne’e,” Prezidente INFORDEPE,  Manuel Gomes de Araújo, informa ba jornalista-sira iha salaun Ian Martin, INFORDEPE , Dili, sesta ne’e.

Manuel afirma katak karik situasaun ne’e mak normaliza hikas iha segundu semestrál ne’e nia garante katak INFORDEPE sei aselera ninia ezekusaun orsamentu tuir alvu ne’ebé deside ona. Ne’e-duni iha segundu semestrál ne’e nia hakarak ezekuta to’o 40% atu bele hakmaan tiha ezekusaun hodi tama fali ezekusaun normál.

Jornalista       : Tomé Amado

Editór             : Francisco Simões

HAKEREK NO HATÁN

Please enter your comment!
Please enter your name here