Edifísiu eskola EBF Casnafar, Manleuana-Dili, ne’ebé hetan estragus hosi inundasaun iha 04 abríl. Imajen/Facebook.

DILI, 04 maiu 2021 (TATOLI) – Ministériu Edukasaun Juventude no Desportu (MEJD) adia programa limpeza ba eskola neen (6) iha kapitál Dili tanba Governu deside tiha implementasaun konfinamentu obrigatóriu.

Notísia Relevante : Governu Husu ba Eskola Sira Hahú Halo Limpeza Jerál

Diretór Nasionál Asaun Sosiál Eskolár (DNASE), Joaquim Martins,  informa loloos programa limpeza ne’e realiza tiha ona iha loron 30 abríl no 01 maiu 2021, maibé  sesta kalan Governu deside konfinamentu obrigatóriu iha Dili, ne’e-duni programa limpeza tenke adia.

“Antes ne’e, ami halo ona konfirmasaun no kontaktu ho instituisaun Estadu-sira hanesan Defeza no Seguransa, Protesaun Sivíl no KRAM atu involve mós grupu arte marsiál no arte rituál iha programa limpeza ne’e rasik, maibé mosu tiha desizaun Governu kona-ba serka sanitária no konfinamentu obrigatóriu, maka ami tenke kansela programa limpeza ne’e,” Joaquim Martins, informa  ba jornalista-sira iha Edifísiu MEJD, Vila Verde, Dili, tersa ne’e .

Eskola neen ne’ebé tama ona iha alvu Ministériu Edukasaun nian atu hetan limpeza maka eskola Ensinu Sekundáriu Jerál 5 de Maio, Eskola EBC Sergio Vieira de Melo Becora, Eskola ESJ Hera, Eskola ESJ 4 Setembru, Eskola EBC Manleu, Eskola Tékniku Vokasionál (ESTV) Hera.

Jornalista       : Tomé Amado

Editór             : Francisco Simões

HAKEREK NO HATÁN

Please enter your comment!
Please enter your name here