Prezidente Repúblika, Francisco Guterres "Lú-Olo". Imajen Tatoli/ Egas Cristovao

DILI, 03 maiu 2021 (TATOLI)—Prezidente Parlamentu NasionáL, Deputadu Aniceto Longuinhos Guterres Lopes, segunda ne’e simu ona dokumentu ofisiál hosi Prezidénsia Repúblika kona-ba promulgasaun Orsamentu Retifikativu (OR).

Notísia Relevante: PN haruka ona proposta Orsamentu Retifikativu ba PR

Prezidente Parlamentu Nasionál, Aniceto Guterres. Imajen Tatoli /Egas Cristóvão.

“Orsamentu Retifikativu promulga tiha ona no ohin antes ha’u hakat mai (inaugura uma komunikasaun) ha’u asina tiha ona dokumentu ka diploma ne’ebé Prezidente Repúblika promulga tiha ona, ha’u halo kedas despaixu ba publikasaun. Parese, ohin lokraik sai no aban bele asesu ba Jornál Repúblika kona-ba Orsamentu Jerál Estadu retifikativu,” Prezidente Parlamentu Nasionál informa ba jornalista sira, iha resintu Uma Komunikasaun iha PN, segunda ne’e.

Nia esplika, bainhira orsamentu promulga tiha ona entaun responsabilidade Governu nian atu implementa ho didi’ak orsamentu ne’e.

“Implementa didi’ak ho sentidu tenke lori benefísiu direta ba povu no lori rezultadu di’ak atubele garante sustentabilidade nasaun nian, hanesan situasaun ita hasoru dezastre naturál ne’ebé akontese iha loron 4 abríl no surtu COVID-19,” nia akresenta.

Prezidente Parlamentu Nasionál ne’e hein katak Governu bele book-aan ona atubele reabilita no atende nesesidade ne’ebé urjente liu.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here