IGE-empreza nasionál normaliza estrada iha área Bebonuk ne’ebé hetan estagu tanba dezastre naturál iha domingu (04/04). Imajen TATOLI/António Gonçalves

DILI, 03 abríl 2021 (TATOLI)–Ekipa liña ministeriál kompostu hosi Ministériu Obra Públika (MOP) no Ministériu Planu no Ordenamentu (MPO), halo ona identifikasaun estragu infraestrutura públika kauza hosi dezastre naturál ne’ebé akontese foin lalais. 

Prezidente Konsellu Administrasaun Fundu Infraestrutura (KAFI), José Maria dos Reis, hateten reuniaun estradordinária KAFI ohin hodi ekipa sira aprezenta relatóriu preleminár estragu infraestrutura públika.

“Ami ko’alia progresu serbisu ekipa estabelesidu hosi Primeiru-Ministru no dirije hosi Diretór Jerál Ministériu Obra Públika (MOP), relata progresu serbisu ne’ebé mak hala’o ona. Sira hato’o relatóriu preleminár, maibé ekipa sira la’o hela iha terrenu no halo konfirmasaun dadus levantamentu kuaze millaun $300-resin ba rekuperasaun infraestrutura públika,” atuál Vise Primeiru-Ministru no Ministru Planu no Ordenamentu, José Maria dos Reis, relata hafoin reuniaun iha salaun Ministériu Finansa (MF), Aitarak-laran, segunda ne’e.

Notísia relevante: Kustu estimasaun estragu infraestrutura iha lokál 101 hamutuk millaun $245

Governu klasifika projetu reabilitasaun estruturál impaktu dezastre naturál

Maski nune’e, dadus atuál la’ós finál tanba daudaun ekipa levantamentu sira nafatin iha terrenu hodi halo konfirmasaun dadus estragu sira.

“Ami haree oinsá atubele haree problema sira ne’ebé mak hala’o imediatu hanesan hela iha fatin populasaun sira-nia, maibé tanba la marka prezensa hosi Ministériu Administrasaun Estatál (MAE) maka sei tuur hamutuk fali ho parte ministériu hodi diskute hamutuk kestaun ne’e hodi fó solusaun ba problema populasaun nia uma ne’ebé hetan estragu hosi dezastre naturál iha abríl,” Ministru Planu no Ordenamentu subliña.

Antes ne’e, ekipa liña ministeriál halo ona identifikasaun estragu infraestutura kauza dezastre naturál iha territóriu tomak iha lokál 101 ho kustu estimasaun millaun $245.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here