Passaporte eletróniku komún kór me’an no diplomata kór metan. Foto/espesiál.

DILI, 03 maiu 2021 (TATOLI)—Trimestre dahuluk  hosi janeiru to’o marsu, Diresaun Nasionál Rejistu Notariadu (DNRN), Ministériu Justisa (MJ), rekolla reseita $126.375 hosi serbisu emisaun passaporte.

Osan ne’e mai hosi ema 2.126 ne’ebé trata passaporte no diresaun ne’e bele kontribui ba kofre Estadu iha fulan tolu.

Notísia relevante:DNRN kontribui reseita $640,970.00 ba kofre Estadu

Hosi númeru ne’e, iha sidadaun ne’ebé trata passaporte komún 2.084, passaporte serbisu sia  (9), passaporte diplomátiku 30, passaporte ba ema estranjeiru tolu (3).

Diretór Nasionál Identifikasaun Sivíl no Rejistu Kriminál, Victor da Costa Neto, hateten reseita ne’ebé iha, kompara ho reseita tinan 2019 tun makaas liu, tanba normalmente reseita-sira ne’ebé halo iha trimestre dahuluk periúdu normál laiha Estadu Emerjénsia (EE), rihun $500 to’o 600.

“Primeiru tanba volume ema ladún barak, limite atendimentu no aviaun ladún semo atu atende viajen komérsiu. Nune’e, ema ladún trata passaporte halo reseita tún,’’ Victor da Costa Neto, hateten ba Agéncia Tatoli, iha kna’ar fatin Colmera, segunda ne’e.

Entretantu, DNRN loke serbisu atendimentu emisaun passaporte  iha Munisípiu Dili, Bobonaro no Rejiaun Administrativa Espesiál Oe-cusse Ambeno (RAEOA).

Jornalista:  Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here