Prezidente Parlamentu Nasional, Aniceto Longuinhos Guterres Lopes. Imajen Tatoli/Antonio Goncalves.

DILI, 03 maiu 2021 (TATOLI)—Prezidente Parlamentu Nasionál, Deputadu Aniceto Longuinhos Guterres Lopes, husu ema hotu hametin Liberdade imprensa ho responsabilidade hodi haburas demokrasia iha Timor-Leste.

Notísia Relevante: PM felisita jornalista timor-oan komemora loron liberdade imprensa

“Ohin loron parese ita iha problema uitoan maibé mai ita rezolve hamutuk no husu ba membru mídia tomak iha Timor-Leste, mai ita servisu hamutuk atu haburas ita-nia demokrasia no hametin liután ita-nia liberdade imprensa maibé ho responsabilidade ba Estadu no sidadaun hotu,” nia informa ba jornalista sira, iha Parlamentu Nasionál, segunda ne’e.

Deputadu Aniceto Guterres, fó-sai katak lista nasaun sira iha Ázia ne’e Timor-Leste tama iha nia demokrasia ida-ne’ebé di’akliu no sasukat ida mak liberdade imprensa.

Liberdade imprensa iha Timor-Leste seidauk la’o di’ak no seidauk la’o loloos karik ne’e problema ema hotu nian tanba prosesu konstrusaun Estadu, ne’ebé Estadu garante Liberdade imprensa liuhosi Konstituisaun RDTL (artigu 40-41).

Prezidente Parlamentu Nasionál ne’e enkoraja jornalista sira atu kontinua hadi’a-aan, nune’e produtu informasaun (jornalístiku) sira bele iha kualidade.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here