Prokuradór Jerál Repúblika, Alfonso Lopez. Imajen Tatoli/Egas Cristovão

DILI, 29 abríl 2021 (TATOLI)—Prokuradór Jerál Repúblika (PJR) foun, Alfonso Lopez, hateten iha ninia mandatu ne’e sei fó prioridade ba kombate korrupsaun iha Timor-Leste.

Alfonso Lopez hatutan, asaun penál hosi Ministériu Públiku mak orienta prinsípiu legalidade no objetividade iha funsaun relevante balun iha Konstituisaun Repúblika ne’ebé kabe ba Ministériu Públiku nian.

Notísia Relevante: Majistradu Ministériu Públiku labele permite intervensaun polítiku-partidária

“Atuasaun Ministériu Públiku ida-ne’e la’ós relevante iha dimensaun hosi ejizénsia p’ubliku sira-nian maibé ami hanoin hanesan atuasun pro-ativu nian no respeitu ba legalidade no mós elementu importante ba prevensaun luta kontra korrupsaun,” Alfonso Lopez hateten iha diskursu bainhira simu pose hosi Prezidente Repúblika, Francisco Guterres ‘L’u Olo’, iha Palásiu Prezidénsia Nicolau Lobato, Bairru Pite, Dili, kinta ne’e.

Sentidu ida-ne’e, tuir nia, hanesan respeitu tebes ba kontrolu legalidade nian no rasionalidade ekonómia kona-ba jestaun públiku sei hanesan superioritáriu sira iha ninia mandatu.

Kargu ne’ebé nia simu ne’e tanba hetan konfiansa hosi Prezidente Repúblika, Francisco Guterres Lú Olo, nune’e nia sei hamutuk ho parte hotu iha Ministériu Públiku hodi kontribui ba Ministériu Públiku ida di’ak liu no hamutuk sei oferese justisa ne’ebé di’ak ba sidadaun sira.

“Ha’u agradese ba konfiansa ne’ebé depozita mai ha’u, ne’ebé ha’u sente onradu tebes no ha’u esforsu atu kumpre didi’ak. Ha’u fiar, nu’udar lejítimu hodi lidera ka konfiansa ne’e sei hametin liu, liuliu hanoin ne’ebé kompartilla ba malu kona-ba Ministériu Públiku nian ne’ebé hatur ona iha nia autonómia,” nia dehan.

Notísia Relevante: Lian portugés sei nafatin kestaun iha sistema justisa formál

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here