Vasina AstraZeneca doze dahuluk ne’ebé pesoál liña frente-sira simu. Imajen Tatoli/António Gonçalves.

DILI, 29 abríl 2021 (TATOLI)—Pesoál liña frente na’in 814 iha Munisípiu Lautém, simu ona vasina AstraZeneca, iha kuarta 28 abríl.

Diretór Serbisu Saúde Munisípiu Lautém, Bernardo Amaral Lopes, hateten horisehik hanesan loron ikus hodi konklui liña frente-sira iha Munisípiu Lautém ne’ebé simu vasina AstraZeneca.

Notísia relevante:Ema 2.629 simu ona vasina AstraZeneca iha Timor-Leste

”Pesoál liña frente iha-ne’e hamutuk na’in 733. Maibé, to’o horisehik ema na’in 843 mak simu, tanba vial ida sona ba ema na’in 12, entaun númeru sa’e,” Bernardo Amaral Lopes hateten ba jornalista Agência Tatoli via telefónika, kinta ne’e.

Nia esplika, vasina primeira dozes ne’e parte serbisu saúde munisipál fó duni ba liña frente tuir lista ne’ebé mak iha, no remata iha horisehik.

”Vasina ne’ebé  Munisípiu Lautém hetan hosi Nasionál  hamtuk dozes 740. Entaun, liña frente hetan hotu vasina ida-ne’e, no horisehik sei resin oitoan, nune’e ita fó ba ema ne’ebé ho voluntariamente hakarak simu,” nia esplika.

Munisípiu Lautém hahú lansamentu ba vasina iha 15 abríl no remata iha 28 abríl.

Tabela distribuisaun hosi Serbisu Autónomu Medikamentu no Ekipamentu Saúde (SAMES)  ba distribuisaun AstraZeneca dozes 24.000 faze dahuluk mak hanesan, Munisípiu Aileu hetan dozes  590,  Ainaro 690, Baucau1.730, Bobonaro 1.080, Covalima 920, Dili hetan 13.190, Ermera 900, Lautém 740, Liquiça 620, Manatuto 590, Manufahi 680, Viqueque 910 no RAEOA 1.360.

Jornalista: Felicidade Ximenes

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here